Compare up to three verified translation editions verse by verse, including editions in two different languages.
Changing languages or editions keeps the current surah and verse.
بِسْمِ ٱللَّهِ ٱلرَّحْمَٰنِ ٱلرَّحِيمِ سَبِّحِ ٱسْمَ رَبِّكَ ٱلْأَعْلَى ﴿1﴾
Lavdëro emrin e Zotit tënd, më të Lartit,
Lartësoje emrin e Zotit tënd, më të Lartit,
Falendero emrin e Zotit tënd të Lartësuar,
ٱلَّذِى خَلَقَ فَسَوَّىٰ ﴿2﴾
që ka krijuar gjithçka dhe e ka përpjesëtuar drejt;
i Cili krijoi dhe përsosi (çdo gjë),
që krijon çdo gjë dhe e bënë të harmonizuar,
وَٱلَّذِى قَدَّرَ فَهَدَىٰ ﴿3﴾
që ka caktuar fatin e çdo gjëje dhe ia ka rrëfyer rrugën;
përcaktoi e udhëzoi,
dhe që çdo gjë e ka caktuar dhe i ka dhënë inspirim,
وَٱلَّذِىٓ أَخْرَجَ ٱلْمَرْعَىٰ ﴿4﴾
që bën të rriten kullotat
dhe bëri të mbijnë kullotat
dhe që bënë të rriten kullosat,
فَجَعَلَهُۥ غُثَآءً أَحْوَىٰ ﴿5﴾
dhe pastaj të shndërrohen, të thahen e të vyshken.
e pastaj i bëri të thahen e të vyshken.
dhe pastaj bën që të shndërrohen, të thahen e të vyshken.
سَنُقْرِئُكَ فَلَا تَنسَىٰٓ ﴿6﴾
Ne do të të bëjmë ty (Muhamed) të lexosh (Shpalljet Tona), kështu që nuk ke për të harruar,
Ne do ta lexojmë ty (Kuranin), kështu që nuk do të harrosh,
Na do ta mësojmë ty (Kur’anin, përmes Xhebrailit), e ti nuk do ta harrosh,
إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ﴿7﴾
përveç asaj që do Allahu. Vërtet, Ai e di të dukshmen dhe çka është e fshehtë.
përveç asaj që do Allahu. Ai e di të dukshmen dhe atë që fshihet.
përveç asaj që don Zoti. Ai (Perëndia), me të vërtetë, di çdo gjë që shprehni haptazi dhe atë që fshihni –
وَنُيَسِّرُكَ لِلْيُسْرَىٰ ﴿8﴾
Do të ta lehtësojmë ty rrugën e drejtë,
Ne do të ta lehtësojmë ty rrugën e lehtë,
dhe Ne do ta lehtësojmë ty (rrugën) e lehtë,
فَذَكِّرْ إِن نَّفَعَتِ ٱلذِّكْرَىٰ ﴿9﴾
prandaj këshillo, nëse këshilla do të jetë e dobishme!
prandaj këshillo, nëse këshilla bën dobi,
prandaj këshillo ti – nëse këshilla ka dobi:
سَيَذَّكَّرُ مَن يَخْشَىٰ ﴿10﴾
Asaj do t’ia vërë veshin ai që (i) frikësohet (Allahut),
se do të përfitojë prej saj ai që ka frikë (Allahun)
ai që i druan Perëndisë, këshillohet,
وَيَتَجَنَّبُهَا ٱلْأَشْقَى ﴿11﴾
e do t’i shmanget vetëm më i keqi,
dhe do t'i shmanget më i mjeri,
e shmanget nga këshillat, ai më i keqi,
ٱلَّذِى يَصْلَى ٱلنَّارَ ٱلْكُبْرَىٰ ﴿12﴾
i cili do të digjet në zjarrin e madh,
ai që do të digjet në Zjarrin e madh,
i cili do të digjet në zjarrin e madh,
ثُمَّ لَا يَمُوتُ فِيهَا وَلَا يَحْيَىٰ ﴿13﴾
ku as nuk do të vdesë, as nuk do të jetojë.
ku as do të vdesë, as do të jetojë.
e në të, as nuk do të vdes e as nuk do të jetojë (jetë normale).
قَدْ أَفْلَحَ مَن تَزَكَّىٰ ﴿14﴾
I shpëtuar është ai që pastrohet,
Ka fituar ai që pastrohet,
Shpëtimin do të arrijë ai që pastrohet (nga të këqiat)
وَذَكَرَ ٱسْمَ رَبِّهِۦ فَصَلَّىٰ ﴿15﴾
që e përmend emrin e Zotit të vet dhe që fal namaz!
që e përmend emrin e Zotit të vet dhe që falet.
dhe që e përmend emrin e Zotit të vet dhe bënë namaz!
بَلْ تُؤْثِرُونَ ٱلْحَيَوٰةَ ٱلدُّنْيَا ﴿16﴾
Por ju, përkundrazi, më shumë po e parapëlqeni jetën e kësaj bote,
Por ju i jepni përparësi jetës së kësaj bote,
Por ju, përkundrazi, më shumë po e parapëlqeni jetën e kësaj bote,
وَٱلْءَاخِرَةُ خَيْرٌۭ وَأَبْقَىٰٓ ﴿17﴾
ndonëse jeta tjetër është më e mirë dhe e amshuar.
ndonëse jeta tjetër është më e mirë dhe më e qëndrueshme.
por, jeta tjetër është më e mirë dhe e përhershme (amshuar).
إِنَّ هَٰذَا لَفِى ٱلصُّحُفِ ٱلْأُولَىٰ ﴿18﴾
Kjo, me të vërtetë, ndodhet në Fletët e lashta,
Në të vërtetë, kjo gjendet në Fletët e hershme,
Kjo, me të vërtetë, ka qenë shënuar në faqet (e librave) e broshurat e lashta,
صُحُفِ إِبْرَٰهِيمَ وَمُوسَىٰ ﴿19﴾
në Fletët e Ibrahimit dhe Musait.
në Fletët e Ibrahimit dhe të Musait.
librat (broshurat) e Ibrahimit dhe Musait.