Compare up to three verified translation editions verse by verse, including editions in two different languages.
Changing languages or editions keeps the current surah and verse.
بِسْمِ ٱللَّهِ ٱلرَّحْمَٰنِ ٱلرَّحِيمِ الٓر ۚ تِلْكَ ءَايَٰتُ ٱلْكِتَٰبِ وَقُرْءَانٍۢ مُّبِينٍۢ ﴿1﴾
Elif Lâm Râ. Këto janë vargjet e Librit, të Kuranit të qartë!
Elif, lam, ra.[1] Këto janë ajetet e Librit, Kuranit të qartë!
Elif Lâm Râ. Këto janë ajetet e Librit, të Kur’anit të qartë!
رُّبَمَا يَوَدُّ ٱلَّذِينَ كَفَرُوا۟ لَوْ كَانُوا۟ مُسْلِمِينَ ﴿2﴾
Do të vijë dita (e Kiametit), kur mohuesit do të dëshirojnë që të ishin myslimanë.
Ata që nuk besojnë do të dëshirojnë që të kishin qenë muslimanë.
Shpeshherë mohuesit do të dëshironin që të ishin muslimanë.
ذَرْهُمْ يَأْكُلُوا۟ وَيَتَمَتَّعُوا۟ وَيُلْهِهِمُ ٱلْأَمَلُ ۖ فَسَوْفَ يَعْلَمُونَ ﴿3﴾
Lëri ata që të hanë e të kënaqen dhe le t’i mashtrojë shpresa; ata do ta marrin vesh!
Lëri ata të hanë, të gëzohen e të mashtrohen nga shpresat (e rreme), se do ta kuptojnë.
Lëri ata që të hanë dhe le të kënaqen, dhe lë t’i mashtrojë shpresa; ata do ta dinë (fundin)!
وَمَآ أَهْلَكْنَا مِن قَرْيَةٍ إِلَّا وَلَهَا كِتَابٌۭ مَّعْلُومٌۭ ﴿4﴾
Ne nuk kemi zhdukur asnjë vend, pa i ardhur koha e caktuar.
Asnjë vend nuk e kemi shkatërruar e të mos e ketë pasur kohën e caktuar.
Na nuk i kemi zhdukur banorët e asnjë vendi, për pa ardhur koha e caktuar,
مَّا تَسْبِقُ مِنْ أُمَّةٍ أَجَلَهَا وَمَا يَسْتَـْٔخِرُونَ ﴿5﴾
Asnjë popull nuk mund as ta shpejtojë, as ta ngadalësojë afatin (e shkatërrimit të vet).
Asnjë popull nuk mund ta përshpejtojë afatin e (shkatërrimit të) vet e as ta vonojë atë.
asnjë popull nuk mund as ta shpejtojë as ta ngadalësojë (caktimin Tonë për të).
وَقَالُوا۟ يَٰٓأَيُّهَا ٱلَّذِى نُزِّلَ عَلَيْهِ ٱلذِّكْرُ إِنَّكَ لَمَجْنُونٌۭ ﴿6﴾
Ata (idhujtarët) thonë: “O ti që të është shpallur Këshilla (Kurani), ti je vërtet i marrë!
Ata thanë: "O ti që të është shpallur Këshilla (Kurani), ti përnjëmend je i marrë.
Ata thanë: “O ti, që të është shpallë Kur’ani, ti je, me të vërtetë, i marrë!
لَّوْ مَا تَأْتِينَا بِٱلْمَلَٰٓئِكَةِ إِن كُنتَ مِنَ ٱلصَّٰدِقِينَ ﴿7﴾
Përse nuk na sjell engjëjt, nëse ajo që thua është e vërtetë?”
Përse nuk na i sjell melekët, nëse e thua të vërtetën?"
Të na sillshe engjëjt, nëse je i drejtë?”
مَا نُنَزِّلُ ٱلْمَلَٰٓئِكَةَ إِلَّا بِٱلْحَقِّ وَمَا كَانُوٓا۟ إِذًۭا مُّنظَرِينَ ﴿8﴾
Ne i dërgojmë engjëjt vetëm me shpallje dhe dënim e atëherë (të dënuarve) nuk u jepet afat për të pritur.
Melekët i zbresim vetëm me të vërtetën (për t'i dënuar keqbërësit), e atëherë nuk u jepet afat.
Na i dërgojmë engjëjt vetëm me të Vërtetën (me dënim të premtuar), dhe atëherë nuk u jepet afat për të pritur (por dënimi merr fund).
إِنَّا نَحْنُ نَزَّلْنَا ٱلذِّكْرَ وَإِنَّا لَهُۥ لَحَٰفِظُونَ ﴿9﴾
Sigurisht, Ne e kemi shpallur Kuranin dhe, sigurisht, Ne do ta ruajmë atë.[160]
Me të vërtetë, Ne e e shpallëm Kuranin dhe, pa dyshim, Ne do ta ruajmë atë.
Na, me të vërtetë, kemi shpallë Kur’anin dhe, Na, me të vërtetë, do ta ruajmë atë (origjinalitetin e tij).
وَلَقَدْ أَرْسَلْنَا مِن قَبْلِكَ فِى شِيَعِ ٱلْأَوَّلِينَ ﴿10﴾
Ne u kemi çuar të dërguar edhe para teje, sekteve të mëparshme.
Në të vërtetë, para teje kemi çuar të dërguar te bashkësitë e mëparshme.
Na, me të vërtetë, u kemi dërguar pejgamberë edh para teje, - grupeve (popujve) të mëparshëm,
وَمَا يَأْتِيهِم مِّن رَّسُولٍ إِلَّا كَانُوا۟ بِهِۦ يَسْتَهْزِءُونَ ﴿11﴾
Por ata talleshin me çdo të dërguar që u vinte.
Sa herë që u vinte ndonjë i dërguar, talleshin me të.
dhe asnjë pejgamber nuk ka ardhur e që ata të mos talleshin me të.
كَذَٰلِكَ نَسْلُكُهُۥ فِى قُلُوبِ ٱلْمُجْرِمِينَ ﴿12﴾
Ja, kështu Ne e bëjmë mohimin të futet në zemrat e gjynahqarëve.
Kështu pra, Ne fusim përgënjeshtrimin në zemrat e keqbërësve.
Ja, kështu Na, fusim (talljen) në zemrat e mëkatarëve,
لَا يُؤْمِنُونَ بِهِۦ ۖ وَقَدْ خَلَتْ سُنَّةُ ٱلْأَوَّلِينَ ﴿13﴾
Ata nuk e besojnë atë[161], me gjithë shembujt e popujve të kaluar.
Ata nuk besojnë në të, përkundër shembujve të popujve të mëparshëm.
ata nuk e besojnë atë (profetin Muhammed), e madje, ka kaluar ligji (mbi dënimin) e popujve të kaluar (për tallje me pejgamberët).
وَلَوْ فَتَحْنَا عَلَيْهِم بَابًۭا مِّنَ ٱلسَّمَآءِ فَظَلُّوا۟ فِيهِ يَعْرُجُونَ ﴿14﴾
Edhe sikur Ne të hapnim një derë të qiellit dhe të ngjiteshin nëpër të,
Edhe sikur t'ua çelnim një portë nga qielli, do të ngjiteshin në të
Sikur Ne ta hapnim një derë të qiellit dhe ata të ngjiteshin nëpër të,
لَقَالُوٓا۟ إِنَّمَا سُكِّرَتْ أَبْصَٰرُنَا بَلْ نَحْنُ قَوْمٌۭ مَّسْحُورُونَ ﴿15﴾
ata me siguri që do të thoshin: “Sytë tanë kanë qenë të shushatur, madje na kanë magjepsur”!
e do të thoshin: "Në të vërtetë, na janë marrë sytë, madje na është bërë magji."
do të thonin (ata): “Sytë na kanë qenë të mjegulluar, na jemi popull i magjepsur!”
وَلَقَدْ جَعَلْنَا فِى ٱلسَّمَآءِ بُرُوجًۭا وَزَيَّنَّٰهَا لِلنَّٰظِرِينَ ﴿16﴾
Ne kemi krijuar yjësi në qiell dhe e kemi zbukuruar atë për shikuesin.
Ne kemi krijuar yjësi në qiell dhe e kemi zbukuruar për vështruesit,
Na kemi krijuar hyllësi në qiej dhe i kemi zbukuruar ato për shikuesin,
وَحَفِظْنَٰهَا مِن كُلِّ شَيْطَٰنٍۢ رَّجِيمٍ ﴿17﴾
Ne e ruajmë atë (qiellin) nga çdo djall i mallkuar[162],
si dhe i ruajmë prej çdo shejtani të mallkuar,
dhe i kemi ruajtur nga çdo djall i mallkuar;
إِلَّا مَنِ ٱسْتَرَقَ ٱلسَّمْعَ فَأَتْبَعَهُۥ شِهَابٌۭ مُّبِينٌۭ ﴿18﴾
përveç ndonjërit që dëgjon vjedhurazi e të cilin e arrin një yll i këputur me flakë të dukshme.
përveç atij që dëgjon vjedhurazi dhe ndiqet nga ndonjë shigjetë flakëruese.
përpos atij që vjedh të dëgjuarën, e arrinë atë një flakë e dukshme.
وَٱلْأَرْضَ مَدَدْنَٰهَا وَأَلْقَيْنَا فِيهَا رَوَٰسِىَ وَأَنۢبَتْنَا فِيهَا مِن كُلِّ شَىْءٍۢ مَّوْزُونٍۢ ﴿19﴾
Dhe Tokën e kemi shtrirë e nëpër të kemi shpërndarë male të patundura. Ne kemi bërë që në tokë të rritet çdo gjë në përpjesëtim.
Ne e shtrimë Tokën dhe vumë në të male të patundshme. Po ashtu Ne bëmë që të mbijë në të çdo gjë në masë të drejtë,
Dhe Tokën e kemi shtrirë dhe nëpër të kemi shpërndarë male të forta, dhe kemi bërë që në të, të zhvillohet çdo gjë në masa proporcionale,
وَجَعَلْنَا لَكُمْ فِيهَا مَعَٰيِشَ وَمَن لَّسْتُمْ لَهُۥ بِرَٰزِقِينَ ﴿20﴾
E aty kemi bërë mjetet e jetesës për ju dhe për ata që nuk i mbani ju.
si dhe bëmë mjete jetese për ju dhe për ata që nuk i mbani ju.
dhe kemi bërë për ju në të (Tokë) sendet që u japin gjallëri dhe për ata që nuk i mbani (furnizoni) ju.
وَإِن مِّن شَىْءٍ إِلَّا عِندَنَا خَزَآئِنُهُۥ وَمَا نُنَزِّلُهُۥٓ إِلَّا بِقَدَرٍۢ مَّعْلُومٍۢ ﴿21﴾
Nuk ka asnjë send që të mos gjenden tek Ne thesaret e tij; por prej tij Ne japim me masë të caktuar.
S'ka asnjë send që thesaret e tij të mos jenë te Ne, por Ne i dërgojmë në sasi të caktuar.
Nuk ekziston asnjë send, e që të mos gjendet ajo në thesarin Tonë, e nga ajo Na japim vetëm aq sa është e nevojshme.
وَأَرْسَلْنَا ٱلرِّيَٰحَ لَوَٰقِحَ فَأَنزَلْنَا مِنَ ٱلسَّمَآءِ مَآءًۭ فَأَسْقَيْنَٰكُمُوهُ وَمَآ أَنتُمْ لَهُۥ بِخَٰزِنِينَ ﴿22﴾
Ne i dërgojmë erërat për pllenim dhe zbresim nga qielli ujë, prej të cilit ju japim të pini e të cilin nuk mund ta depozitoni dot.
Ne i dërgojmë erërat pllenuese dhe lëshojmë shi nga qielli e ju japim për të pirë, e ju nuk mund ta grumbulloni atë.
Na dërgojmë erërat për të frytnuar, e zbresim shiun nga qielli e ju kemi furnizuar me ujë – dhe depot e tij (ujit) nuk gjenden tek ju.
وَإِنَّا لَنَحْنُ نُحْىِۦ وَنُمِيتُ وَنَحْنُ ٱلْوَٰرِثُونَ ﴿23﴾
Në të vërtetë, vetëm Ne e japim jetën dhe e sjellim vdekjen dhe vetëm Ne jemi trashëgimtarët (e gjithçkaje).
Vetëm Ne japim jetë e vdekje dhe Ne jemi trashëguesit.
Dhe, me të vërtetë, Na japim gjëllëri dhe vdekje, dhe vetëm Na jemi trashëgimtar (të përhershëm),
وَلَقَدْ عَلِمْنَا ٱلْمُسْتَقْدِمِينَ مِنكُمْ وَلَقَدْ عَلِمْنَا ٱلْمُسْتَـْٔخِرِينَ ﴿24﴾
Vetëm Ne i dimë ata që kanë qenë para jush dhe vetëm Ne i dimë ata, që do të vijnë pas jush.
Ne i dimë ata që qenë para jush dhe ata që do të vijnë pas jush.
dhe vetëm Na dimë për ata që kanë qenë para jush, dhe vetëm Na dimë për ata që do të vijnë pas jush,
وَإِنَّ رَبَّكَ هُوَ يَحْشُرُهُمْ ۚ إِنَّهُۥ حَكِيمٌ عَلِيمٌۭ ﴿25﴾
Sigurisht që Zoti yt do t’i tubojë ata të gjithë; Ai është vërtet i Urtë dhe i Gjithëdijshëm.
Pa dyshim, Zoti yt do t'i tubojë ata. Ai është vërtet i Urtë e i Gjithëdijshëm.
dhe, me të vërtetë, Zoti yt, do t’i tubojë; Ai, me të vërtetë, është i Plotëdijshëm dhe i Gjithëdijshëm.
وَلَقَدْ خَلَقْنَا ٱلْإِنسَٰنَ مِن صَلْصَٰلٍۢ مِّنْ حَمَإٍۢ مَّسْنُونٍۢ ﴿26﴾
Ne e kemi krijuar njeriun prej një balte të thatë të marrë nga balta e zezë pa formë,
Në të vërtetë, Ne e krijuam njeriun prej një balte të tharë, të zezë e të ndryshuar,
Na kemi krijuar njeriun prej një balte të fortë – të zezë, së cilës i është dhënë forma,
وَٱلْجَآنَّ خَلَقْنَٰهُ مِن قَبْلُ مِن نَّارِ ٱلسَّمُومِ ﴿27﴾
kurse para tij kemi krijuar xhindet nga zjarri pa tym.
ndërsa xhinët i krijuam më parë nga një flakë e fortë.
kurse xhindet i kemi krijuar që më parë nga zjarri i flakët.
وَإِذْ قَالَ رَبُّكَ لِلْمَلَٰٓئِكَةِ إِنِّى خَٰلِقٌۢ بَشَرًۭا مِّن صَلْصَٰلٍۢ مِّنْ حَمَإٍۢ مَّسْنُونٍۢ ﴿28﴾
Kur Zoti yt u tha engjëjve: “Unë do të krijoj një njeri prej baltës së thatë të marrë nga balta e zezë pa formë.
Kur Zoti u tha melekëve: "Unë do të krijoj një njeri prej një balte të tharë, të zezë e të ndryshuar.
(Kujtoje) kur Zoti yt u tha engjëjve: “Unë do ta krijojë njeriun nga balta e zezë e fortë, e ndryshueshme (e figuruar),
فَإِذَا سَوَّيْتُهُۥ وَنَفَخْتُ فِيهِ مِن رُّوحِى فَقَعُوا۟ لَهُۥ سَٰجِدِينَ ﴿29﴾
Kur t’i jap formën dhe t’i fryj prej shpirtit Tim[163], ju t’i përuleni atij në sexhde”,
Kur t'i jap formë e t'i fryj shpirtin, bjerini atij në sexhde[2]!"
e kur t’ia jap formën dhe i jap shpirtin (e bëhet i gjallë), ju bëni sexhde atij!”
فَسَجَدَ ٱلْمَلَٰٓئِكَةُ كُلُّهُمْ أَجْمَعُونَ ﴿30﴾
Të gjithë engjëjt së bashku iu përulën atij në sexhde,
Të gjithë melekët i ranë në sexhde së bashku,
Të gjithë engjëjt, bashkarisht, i bën sexhde atij,
إِلَّآ إِبْلِيسَ أَبَىٰٓ أَن يَكُونَ مَعَ ٱلسَّٰجِدِينَ ﴿31﴾
përveç Iblisit. Ai nuk pranoi t’u bashkohej atyre që bënë sexhde.
përveç Iblisit, i cili nuk pranoi të ishte prej atyre që bënë sexhde.
përveç Iblisit. Ai refuzoi t’u bashkohet atyre që bënin sexhde.
قَالَ يَٰٓإِبْلِيسُ مَا لَكَ أَلَّا تَكُونَ مَعَ ٱلسَّٰجِدِينَ ﴿32﴾
Allahu i tha: “O Iblis, ç’pate ti që s’u bashkove me ata që u përulën?”
Allahu i tha: "O Iblis, ç'ke që nuk iu bashkove atyre që bënë sexhde?"
(Perëndia) tha: “O Iblis, ç’pate ti që nuk u bëre me ata që bënë sexhde?”
قَالَ لَمْ أَكُن لِّأَسْجُدَ لِبَشَرٍ خَلَقْتَهُۥ مِن صَلْصَٰلٍۢ مِّنْ حَمَإٍۢ مَّسْنُونٍۢ ﴿33﴾
Iblisi tha: “Unë nuk i përulem një vdekatari që Ti e ke krijuar nga balta e thatë e marrë prej baltës së zezë pa formë”.
Ai tha: "Unë nuk kam për t'i rënë në sexhde një njeriu që e krijove prej një balte të tharë, të zezë e të ndryshuar."
(Iblisi) tha: “Nuk jam unë ai që t’i bëjë sexhde një njeriu të cilin Ti e ke krijuar nga balta e zezë, e fortë, e ndryshueshme (e figuruar), së cilës i është dhënë forma.
قَالَ فَٱخْرُجْ مِنْهَا فَإِنَّكَ رَجِيمٌۭ ﴿34﴾
Allahu tha: “Atëherë, dil prej Xhenetit! Ti je vërtet i mallkuar!
Allahu i tha: "Atëherë, dil prej aty, sepse ti je i mallkuar
(Perëndia) tha: “Atëherë, dil prej xhennetit, ti, në të vërtetë, je i mallkuar,
وَإِنَّ عَلَيْكَ ٱللَّعْنَةَ إِلَىٰ يَوْمِ ٱلدِّينِ ﴿35﴾
Le të jetë mallkimi mbi ty deri në Ditën e Kiametit”!
dhe mallkimi do të jetë mbi ty deri në Ditën e Gjykimit."
dhe le të jetë mallkimi mbi ty deri në Ditën e Kijametit!”
قَالَ رَبِّ فَأَنظِرْنِىٓ إِلَىٰ يَوْمِ يُبْعَثُونَ ﴿36﴾
Iblisi tha: “Zoti im, më jep afat deri në ditën kur ata do të ringjallen!”
Ai tha: "Zoti im! Më jep afat deri në ditën që do të ringjallen!"
Iblisi tha: “Zoti im, më jep afat deri në ditën kur do të ringjallen ata (njerëzit)!”
قَالَ فَإِنَّكَ مِنَ ٱلْمُنظَرِينَ ﴿37﴾
Zoti tha: “Sigurisht që do të të jepet afat
Allahu tha: "Atëherë, ty do të të jepet afat
(Zoti) tha: “Ty, me të vërtetë, të është dhënë afat
إِلَىٰ يَوْمِ ٱلْوَقْتِ ٱلْمَعْلُومِ ﴿38﴾
deri në një ditë të caktuar."[164]
deri në një ditë të caktuar."
deri në ditën e kohës së caktuar”.
قَالَ رَبِّ بِمَآ أَغْوَيْتَنِى لَأُزَيِّنَنَّ لَهُمْ فِى ٱلْأَرْضِ وَلَأُغْوِيَنَّهُمْ أَجْمَعِينَ ﴿39﴾
Iblisi tha: “Zoti im, për shkak se më çove në humbje, unë do t’ju zbukuroj atyre (njerëzve) rrugën e gabuar në Tokë dhe të gjithë do t’i shpie në mashtrim,
Ai (Iblisi) tha: "Zoti im, meqë më çove në humbje, unë do t'ua hijeshoj atyre të pavërtetën në Tokë dhe do t'i shmang të gjithë nga rruga e drejtë,
(Iblisi) tha: “Zoti im, meqë më ke shpie në humbje, unë në Tokë do t’ju zbukuroj atyre sendet dhe të gjithë do t’i shpie në mashtrim,
إِلَّا عِبَادَكَ مِنْهُمُ ٱلْمُخْلَصِينَ ﴿40﴾
përveç robërve të Tu të sinqertë”.
përveç robërve të Tu të përkushtuar."
përveç robërve Tu të sinqertë”.
قَالَ هَٰذَا صِرَٰطٌ عَلَىَّ مُسْتَقِيمٌ ﴿41﴾
(Allahu) tha: “Kjo është rruga Ime e drejtë.
Allahu tha: "Kjo është rruga Ime e drejtë.
(Perëndia) tha: “Kjo është rruga ime e drejtë.
إِنَّ عِبَادِى لَيْسَ لَكَ عَلَيْهِمْ سُلْطَٰنٌ إِلَّا مَنِ ٱتَّبَعَكَ مِنَ ٱلْغَاوِينَ ﴿42﴾
Në të vërtetë, ti nuk do të kesh pushtet mbi robërit e Mi, përveçse mbi të humburit, që të pasojnë ty.”
Ti nuk ke pushtet mbi robërit e Mi, përveç mbi të humburit që të ndjekin ty.
Ti, me të vërtetë, nuk ke kurrfarë pushteti ndaj robërve të Mi, përveç atyre të humburve, që të pasojnë ty”.
وَإِنَّ جَهَنَّمَ لَمَوْعِدُهُمْ أَجْمَعِينَ ﴿43﴾
Pa dyshim, Xhehenemi është vendi i premtuar për të gjithë ata.
Me të vërtetë, Xhehenemi është vendi i premtuar i të gjithë atyre.
Dhe, me të vërtetë, xhehennemi është vendbanimi i tyre i premtuar, për të gjithë:
لَهَا سَبْعَةُ أَبْوَٰبٍۢ لِّكُلِّ بَابٍۢ مِّنْهُمْ جُزْءٌۭ مَّقْسُومٌ ﴿44﴾
Ai ka shtatë dyer e për çdo derë do të ketë një pjesë të caktuar.
Ai ka shtatë porta e në çdo portë hyn një pjesë e caktuar.
ai i ka shtatë dyer, e për çdo derë ka pjesë të caktuar”.
إِنَّ ٱلْمُتَّقِينَ فِى جَنَّٰتٍۢ وَعُيُونٍ ﴿45﴾
Vërtet, punëmirët do të jenë në kopshtet e Xhenetit pranë burimeve.
Me të vërtetë, të devotshmit do të jenë në kopshte të Xhenetit, pranë burimeve.
Me të vërtetë, ata që ruhen nga mëkatet, do të gjenden në kopshtet e xhennetit pranë burimeve.
ٱدْخُلُوهَا بِسَلَٰمٍ ءَامِنِينَ ﴿46﴾
Atyre do t’u thuhet: “Hyni atje me paqe dhe siguri”!
"Hyni në të të shpëtuar e të sigurt!"
(Ju thuhet): “Hyni në to me përshëndetje dhe të siguruar (prej frikës)”.
وَنَزَعْنَا مَا فِى صُدُورِهِم مِّنْ غِلٍّ إِخْوَٰنًا عَلَىٰ سُرُرٍۢ مُّتَقَٰبِلِينَ ﴿47﴾
Ne do ta heqim urrejtjen nga zemrat e tyre; ata do të rrinë ulur si vëllezër përballë njëri-tjetrit në divane.
Ne do të shkulim mërinë nga zemrat e tyre e do të jenë vëllezër të ulur në divane përballë njëri-tjetrit.
Dhe, Ne, do ta shporrim urrejtjen nga zemrat e tyre (që kanë pasur më parë), ata do të rrinë ulur si vëllezër në kanape (kolltuqe) – njëri përballë tjetrit,
لَا يَمَسُّهُمْ فِيهَا نَصَبٌۭ وَمَا هُم مِّنْهَا بِمُخْرَجِينَ ﴿48﴾
Aty nuk do t’i mundojë lodhja e prej aty kurrë nuk do të dëbohen.
Ata nuk do t'i prekë lodhja në të e as do të nxirren prej aty.
aty, nuk do t’i gërget lodhja, ata prej atyhit kurrë nuk do të dëbohen.
۞ نَبِّئْ عِبَادِىٓ أَنِّىٓ أَنَا ٱلْغَفُورُ ٱلرَّحِيمُ ﴿49﴾
Lajmëroji robërit e Mi (o Muhamed) se, vërtet, Unë jam Falësi i madh, Mëshirëploti,
Tregoju robërve të Mi se Unë jam Falësi i Madh e Mëshirëploti
Lajmëroji robërit e Mi (o Muhammed!) se Unë, me të vërtetë, jam Ai që falë dhe mëshiroj,
وَأَنَّ عَذَابِى هُوَ ٱلْعَذَابُ ٱلْأَلِيمُ ﴿50﴾
dhe se dënimi Im është vërtet dënimi i dhembshëm!
dhe se dënimi Im është i dhembshëm!
e që dënimi Im (për të këqinjtë), është me të vërtetë, dënim i dhembshëm!
وَنَبِّئْهُمْ عَن ضَيْفِ إِبْرَٰهِيمَ ﴿51﴾
Tregoju atyre edhe për mysafirët e Ibrahimit!
Tregoju atyre edhe për mysafirët e Ibrahimit!
Dhe lajmëroji për mysafirët e Ibrahimit,
إِذْ دَخَلُوا۟ عَلَيْهِ فَقَالُوا۟ سَلَٰمًۭا قَالَ إِنَّا مِنكُمْ وَجِلُونَ ﴿52﴾
Ata shkuan tek ai dhe i thanë “Paqe!”, por ai tha: “Në të vërtetë, Ne kemi frikë nga ju.”
Ata hynë tek ai dhe i thanë: "Selam (paqe)!" Ai (më pas) u tha: "Në të vërtetë, ne kemi frikë nga ju."
kur, hynë tek ai dhe thanë: “Selam!” (Ibrahimi) tha: “Na po frikohemi nga Ju”.
قَالُوا۟ لَا تَوْجَلْ إِنَّا نُبَشِّرُكَ بِغُلَٰمٍ عَلِيمٍۢ ﴿53﴾
Ata thanë: “Mos u frikëso, se ne po të sjellim një lajm të mirë! Ti do të kesh një djalë të dijshëm”!
Ata i thanë: "Mos ki frikë, se ne po të japim myzhde se do të kesh një djalë të ditur!"
Ata thanë: “Mos u friko se na po të sihariqojmë ty me një djalë të dijshëm”.
قَالَ أَبَشَّرْتُمُونِى عَلَىٰٓ أَن مَّسَّنِىَ ٱلْكِبَرُ فَبِمَ تُبَشِّرُونَ ﴿54﴾
Ibrahimi tha: “Po ma sillni këtë lajm të mirë, edhe pse më ka goditur pleqëria?! Mbi ç’bazë po ma sillni këtë lajm?”
Ai tha: "A po më jepni këtë myzhde, përkundër pleqërisë që më ka kapluar?! Për çfarë myzhdeje po flisni?!"
(Ibrahimi) tha: “A mos vallë do të më sihariqoni, tani, kur më ka goditur pleqëria? Me çka do të më sihariqoni mua?”
قَالُوا۟ بَشَّرْنَٰكَ بِٱلْحَقِّ فَلَا تَكُن مِّنَ ٱلْقَٰنِطِينَ ﴿55﴾
Ata u përgjigjën: “Ne ta japim lajmin e mirë me vërtetësi, prandaj mos u bëj shpresëhumbur!”
Ata thanë: "Po të japim myzhde me vërtetësi, prandaj mos u bëj i pashpresë!"
Ata thanë: “Na do të sihariqojmë ty me një të Vërtetë që do të realizohet, e mos u bën shpresëhumbur!”
قَالَ وَمَن يَقْنَطُ مِن رَّحْمَةِ رَبِّهِۦٓ إِلَّا ٱلضَّآلُّونَ ﴿56﴾
Ibrahimi tha: “E kush mund ta humbë shpresën nga mëshira e Zotit të vet, përveç atyre që janë të humbur”?!
Ai tha: "E kush e këput shpresën nga mëshira e Zotit të vet, përveç të humburve?!"
(Ibrahimi) tha: “Kush mund ta humbë shpresën nga mëshira e Zotit të vet, përpos atyre që janë të humbur” –
قَالَ فَمَا خَطْبُكُمْ أَيُّهَا ٱلْمُرْسَلُونَ ﴿57﴾
Ai i pyeti: “Cili është qëllimi juaj, o të dërguar?”
Ai (Ibrahimi) tha: "Për çfarë pune keni ardhur, o të dërguar?"
dhe pyeti (Ibrahimi): “E, çfarë është qëllimi juaj, o të dërguar?”
قَالُوٓا۟ إِنَّآ أُرْسِلْنَآ إِلَىٰ قَوْمٍۢ مُّجْرِمِينَ ﴿58﴾
(Ata) thanë: “Ne jemi dërguar te një popull keqbërës (për ta shkatërruar të gjithin),
Ata thanë: "Ne jemi dërguar te një popull keqbërës,
(Ata) thanë: “Na jemi dërguar te një popull mëkatarë, -
إِلَّآ ءَالَ لُوطٍ إِنَّا لَمُنَجُّوهُمْ أَجْمَعِينَ ﴿59﴾
përveç familjes së Lutit. Ne do t’i shpëtojmë të gjithë ata,
përveç familjes së Lutit (dhe pasuesve të tij). Ne do t'i shpëtojmë të gjithë ata,
përpos familjes së Lutit (që nuk janë mëkatarë). Na do t’i shpëtojmë të gjithë ata (anëtarët e familjes së Lutit) –
إِلَّا ٱمْرَأَتَهُۥ قَدَّرْنَآ ۙ إِنَّهَا لَمِنَ ٱلْغَٰبِرِينَ ﴿60﴾
përveç gruas së tij; për atë Ne kemi caktuar si dënim që të mbetet pas me të tjerët.”
me përjashtim të gruas së tij, për të cilën kemi caktuar që të mbetet pas (me të dënuarit)."
përveç gruas së tij; për atë, Na kemi caktuar dënim, të cilin do ta shiojë ajo”.
فَلَمَّا جَآءَ ءَالَ لُوطٍ ٱلْمُرْسَلُونَ ﴿61﴾
Dhe, kur të dërguarit erdhën te Luti,
E, kur i erdhën Lutit të dërguarit,
Dhe, kur të dërguarit erdhën te Luti,
قَالَ إِنَّكُمْ قَوْمٌۭ مُّنكَرُونَ ﴿62﴾
ai tha: “Unë nuk ju njoh ju!”
ai u tha: "Unë nuk po ju njoh!"
(Luti) tha: “Ju, me të vërtetë, jeni njerz të panjohur!”
قَالُوا۟ بَلْ جِئْنَٰكَ بِمَا كَانُوا۟ فِيهِ يَمْتَرُونَ ﴿63﴾
Ata thanë: “Jo, ne të kemi sjellë atë, në të cilën ata dyshojnë,
Ata i thanë: "Në të vërtetë, ne kemi sjellë atë në të cilën dyshonin
Ata thanë: “Jo, na të kemi sjellur atë, në të cilën ata (mohuesit nga populli yt) dyshojnë,
وَأَتَيْنَٰكَ بِٱلْحَقِّ وَإِنَّا لَصَٰدِقُونَ ﴿64﴾
të kemi sjellë të vërtetën, prandaj të jesh i sigurt se ajo që të themi, do të bëhet.
dhe kemi sjellë të vërtetën, e, pa dyshim, ne po e themi të vërtetën.
të sjellim atë që do të ngjajë me siguri, e ne, me të vërtetë, jemi të sinqertë.
فَأَسْرِ بِأَهْلِكَ بِقِطْعٍۢ مِّنَ ٱلَّيْلِ وَٱتَّبِعْ أَدْبَٰرَهُمْ وَلَا يَلْتَفِتْ مِنكُمْ أَحَدٌۭ وَٱمْضُوا۟ حَيْثُ تُؤْمَرُونَ ﴿65﴾
Nisu me familjen tënde në një kohë të natës, shko pas tyre e askush prej jush të mos shikojë prapa, por vazhdoni në drejtimin e urdhëruar!”
Ik me familjen tënde në një pjesë të natës, shko pas tyre, le të mos shikojë mbrapa askush nga ju, por shkoni aty ku jeni urdhëruar!
Udhëto ti me familjen tënde, në një kohë të natës, e shko ti pas tyre, e askush prej jush të mos shikojë prapa, por vazhdoni në drejtim të urdhëruar!”
وَقَضَيْنَآ إِلَيْهِ ذَٰلِكَ ٱلْأَمْرَ أَنَّ دَابِرَ هَٰٓؤُلَآءِ مَقْطُوعٌۭ مُّصْبِحِينَ ﴿66﴾
Dhe Ne ia shpallëm atij atë që do të ngjajë: që i gjithë populli i tij, deri në të mbramin, do të zhdukej në agim.
Ne i kumtuam atij se ata do të shfaroseshin në mëngjes.
Dhe Ne, ia kemi shpallur atij, atë që do të ngjajë: që ata të gjithë – deri në të mbramin, do të zhduken, në agim.
وَجَآءَ أَهْلُ ٱلْمَدِينَةِ يَسْتَبْشِرُونَ ﴿67﴾
Banorët e qytetit erdhën tek ai gjithë gëzim.
Ndërkohë, banorët e qytetit erdhën të gëzuar.
Dhe, erdhën të gëzueshëm banorët e qytetit.
قَالَ إِنَّ هَٰٓؤُلَآءِ ضَيْفِى فَلَا تَفْضَحُونِ ﴿68﴾
Luti u tha: “Këta janë mysafirët e mi, andaj mos më turpëroni!
Ai u tha: "Këta janë mysafirët e mi, prandaj mos më turpëroni!
(Luti) tha: “Këta janë mysafirët e mi, andaj mos më turpëroni,
وَٱتَّقُوا۟ ٱللَّهَ وَلَا تُخْزُونِ ﴿69﴾
Kijeni frikë Allahun e mos më poshtëroni!”
Frikësojuni Allahut e mos më poshtëroni!"
dhe druajuni Perëndisë, dhe mos më poshtëroni mua!”
قَالُوٓا۟ أَوَلَمْ نَنْهَكَ عَنِ ٱلْعَٰلَمِينَ ﴿70﴾
Ata thanë: “A nuk ta kemi ndaluar ne që të presësh mysafirë?”
Ata i thanë: "A nuk ta kemi ndaluar që të pranosh njerëz (si mysafirë)?"
Ata (populli i Lutit) thanë: “A nuk të kemi ndaluar na ty, që të pranosh mysafirë?”
قَالَ هَٰٓؤُلَآءِ بَنَاتِىٓ إِن كُنتُمْ فَٰعِلِينَ ﴿71﴾
Ai tha: “Ja vajzat e mia! Nëse doni të bëni çka synoni (martohuni me to)”.
Ai tha: "Ja bijat e mia, (martohuni me to), nëse tashmë keni vendosur të bëni diçka.
(Luti) tha: “Ja këto vajzat e (popullit) tim! Nëse doni të bëni çka synoni, (martohuni me to).
لَعَمْرُكَ إِنَّهُمْ لَفِى سَكْرَتِهِمْ يَعْمَهُونَ ﴿72﴾
Betohem për jetën tënde (o Muhamed), se ata ishin vërtet të përhumbur në dehjen e tyre!
Betohem për jetën tënde (o Muhamed) se ata bridhnin të humbur në dehjen e tyre.
(O Muhammed!) Pasha jetën tënde, me të vërtetë, ata janë déjur në iluzionet e veta.
فَأَخَذَتْهُمُ ٱلصَّيْحَةُ مُشْرِقِينَ ﴿73﴾
Ata i kaploi zëri i tmerrshëm (i Xhebrailit) kur lindi Dielli,[165]
Ata i mori gjëmimi i tmerrshëm në kohën e lindjes së Diellit,
Dhe, ata i kaplojë një zë i tmerrshëm kur lindir Dielli,
فَجَعَلْنَا عَٰلِيَهَا سَافِلَهَا وَأَمْطَرْنَا عَلَيْهِمْ حِجَارَةًۭ مِّن سِجِّيلٍ ﴿74﴾
dhe Ne e kthyem qytetin përmbys, duke lëshuar mbi ata shi gurësh prej dheut të pjekur.
dhe përmbysëm vendin e tyre, duke kthyer poshtë pjesën e sipërme të tij dhe lëshuam mbi ta rrebesh gurësh prej baltës së pjekur.
dhe Ne, kemi bërë që, ajo që gjendej lartë – të bie poshtë, duke lëshuar në ta si shi gurësh prej dheut të pjekur, -
إِنَّ فِى ذَٰلِكَ لَءَايَٰتٍۢ لِّلْمُتَوَسِّمِينَ ﴿75﴾
Këto janë njëmend shenja bindëse për ata, që i kuptojnë ato.
Vërtet, në këtë ka shenja për ata që u kushtojnë vëmendje.
Këto, me të vërtetë, janë argumente për ata që vëzhgojnë me kujdes,
وَإِنَّهَا لَبِسَبِيلٍۢ مُّقِيمٍ ﴿76﴾
Qyteti i rrënuar është në rrugë, ku gjendet edhe tani.
Ato (qytetet e rrënuara) gjendeshin pranë një rruge që ekziston ende.
me të vërtetë, ato (qytete) janë në rrugë, kur gjenden edhe tani.
إِنَّ فِى ذَٰلِكَ لَءَايَةًۭ لِّلْمُؤْمِنِينَ ﴿77﴾
Kjo është vërtet treguese për besimtarët.
Vërtet, në këtë ka shenja për besimtarët.
Kjo, me të vërtetë, është dokument për besimtarët.
وَإِن كَانَ أَصْحَٰبُ ٱلْأَيْكَةِ لَظَٰلِمِينَ ﴿78﴾
Por edhe banorët e Ejkes ishin keqbërës,
Edhe banorët e Ejkes[3] ishin zullumqarë,
Por, edhe banorët e Ejkes kanë qenë zullumqarë,
فَٱنتَقَمْنَا مِنْهُمْ وَإِنَّهُمَا لَبِإِمَامٍۢ مُّبِينٍۢ ﴿79﴾
andaj i ndëshkuam dhe që të dy janë në rrugë të dukshme.
prandaj u hakmorëm ndaj tyre dhe që të dyja (këto vende) janë në rrugë të dukshme.
andaj, i kemi ndëshkuar, dhe që të dy janë në rrugë – të dukshme.
وَلَقَدْ كَذَّبَ أَصْحَٰبُ ٱلْحِجْرِ ٱلْمُرْسَلِينَ ﴿80﴾
Edhe banorët e Hixhrës (fisi Themud), i quajtën të dërguarit për gënjeshtarë.
Por, edhe banorët e Hixhrit[4] i quajtën gënjeshtarë të dërguarit.
Edhe banorët e Hixhrës, pejgamberët i konsideruan për gënjeshtarë.
وَءَاتَيْنَٰهُمْ ءَايَٰتِنَا فَكَانُوا۟ عَنْهَا مُعْرِضِينَ ﴿81﴾
Ne u patëm dhënë shenjat Tona, por ata shmangeshin prej tyre.
Ne ua dhamë shenjat Tona, por ata ua kthyen shpinën.
Dhe Ne, u patëm dhënë atyre dokumentet Tona, por ata shmangeshin prej tyre.
وَكَانُوا۟ يَنْحِتُونَ مِنَ ٱلْجِبَالِ بُيُوتًا ءَامِنِينَ ﴿82﴾
Ata gdhendnin shtëpi në shkëmbinj, duke besuar se nuk do t’i gjente asgjë,
Ata gdhendnin shtëpi në male, duke qenë të sigurt.
Ata gëdhendnin shtëpia me gurë-malesh, duke besuar se nuk do t’i gjejë asgjë,
فَأَخَذَتْهُمُ ٱلصَّيْحَةُ مُصْبِحِينَ ﴿83﴾
por edhe ata në agim i goditi zëri i tmerrshëm
Por, gjëmimi i tmerrshëm i goditi në mëngjes
andaj, edhe ata në agim i goditi zë i tmerrshëm
فَمَآ أَغْنَىٰ عَنْهُم مَّا كَانُوا۟ يَكْسِبُونَ ﴿84﴾
dhe nuk patën aspak dobi nga ajo që patën ndërtuar.
dhe ajo që fituan nuk u bëri dobi aspak.
dhe nuk patën farë dobie nga ajo që patën ndërtuar (banesat)
وَمَا خَلَقْنَا ٱلسَّمَٰوَٰتِ وَٱلْأَرْضَ وَمَا بَيْنَهُمَآ إِلَّا بِٱلْحَقِّ ۗ وَإِنَّ ٱلسَّاعَةَ لَءَاتِيَةٌۭ ۖ فَٱصْفَحِ ٱلصَّفْحَ ٱلْجَمِيلَ ﴿85﴾
Ne i kemi krijuar qiejt, Tokën dhe gjithçka që gjendet midis tyre vetëm me urtësi. Ora (e Kiametit) do të vijë me siguri, andaj ti (o Muhamed) sillu me zemërgjerësi.
Ne krijuam qiejt, Tokën dhe gjithçka që gjendet ndërmjet tyre vetëm me urtësi. Ndërkaq, Ora e Kiametit do të vijë patjetër, prandaj fal me dashamirësi!
Na kemi krijuar qiejt dhe Tokën dhe atë që gjendet në mes tyre – në mënyrë të mrekullueshme. Me të vërtetë, do të vie Kijameti, andaj sillu ti (o Muhammed) me sjellje të bukura (zemërgjerësi),
إِنَّ رَبَّكَ هُوَ ٱلْخَلَّٰقُ ٱلْعَلِيمُ ﴿86﴾
Vërtet, Zoti yt është Krijuesi Madhështor, i Gjithëdijshmi.
Pa dyshim, Zoti yt është Krijuesi i gjthçkaje, i Gjithëdijshmi.
me të vërtetë, Zoti yt është i vetmi Krijues dhe i Gjithëdijshëm. –
وَلَقَدْ ءَاتَيْنَٰكَ سَبْعًۭا مِّنَ ٱلْمَثَانِى وَٱلْقُرْءَانَ ٱلْعَظِيمَ ﴿87﴾
Ne të kemi shpallur shtatë vargje që përsëriten dhe Kuranin e madhërishëm.
Me të vërtetë, Ne të dhamë ty shtatë ajetet e përsëritura dhe Kuranin e madhërishëm.
Na të kemi shpallë ty shtatë ajete, që përsëriten dhe Kur’anin e madhërueshëm. –
لَا تَمُدَّنَّ عَيْنَيْكَ إِلَىٰ مَا مَتَّعْنَا بِهِۦٓ أَزْوَٰجًۭا مِّنْهُمْ وَلَا تَحْزَنْ عَلَيْهِمْ وَٱخْفِضْ جَنَاحَكَ لِلْمُؤْمِنِينَ ﴿88﴾
Mos i drejto sytë e tu nga kënaqësitë, që Ne ua kemi dhënë disave prej tyre dhe mos u hidhëro për ata! Me besimtarët sillu butë!
Kurrsesi mos i kthe sytë nga të mirat (e përkohshme) me të cilat i kemi begatuar disa prej tyre, as mos u brengos për ta dhe ji i butë me besimtarët!
Mos i drejto sytë e tu kah ato kënaqësi që Na ua kemi dhënë disave prej tyre dhe mos u hidhëro për ta (në mos besofshin). E, ndaj besimtarëve bëhu i butë
وَقُلْ إِنِّىٓ أَنَا ٱلنَّذِيرُ ٱلْمُبِينُ ﴿89﴾
Thuaj: “Në të vërtetë, unë jam vetëm paralajmërues i qartë”.
Thuaj: "Unë, me të vërtetë, jam paralajmërues i qartë."
dhe thuaj: “Unë, në të vërtetë, jam vetëm paralajmërues i qartë!” –
كَمَآ أَنزَلْنَا عَلَى ٱلْمُقْتَسِمِينَ ﴿90﴾
Siç është e vërtetë se u dërguam dënim atyre që e ndanë
Ashtu siç u dërguam dënimin ndarësve,
(Ashtu u kemi dërguar cënim) atyre, të cilët e kanë ndarë Librin,
ٱلَّذِينَ جَعَلُوا۟ ٱلْقُرْءَانَ عِضِينَ ﴿91﴾
dhe e bënë Kuranin në pjesë (duke i besuar ca pjesë dhe duke i mohuar të tjerat),
të cilët e ndanë Kuranin në pjesë.
e të cilët e kanë ndarë Kur’anin pjesë-pjesë (diçka kanë besuar e diçka jo).
فَوَرَبِّكَ لَنَسْـَٔلَنَّهُمْ أَجْمَعِينَ ﴿92﴾
ashtu është e vërtetë, për Zotin tënd, se Ne do t’i pyesim ata të gjithë,
Por, betohem për Zotin tënd se do t'i pyesim të gjithë ata
Dhe, kështu, pasha Zotin tënd, Na me të vërtetë, do t’i pyesim ata të gjithë,
عَمَّا كَانُوا۟ يَعْمَلُونَ ﴿93﴾
për gjithçka që kanë bërë!
për gjithçka që bënin.
për atë që kanë punuar!
فَٱصْدَعْ بِمَا تُؤْمَرُ وَأَعْرِضْ عَنِ ٱلْمُشْرِكِينَ ﴿94﴾
Ti prediko haptazi atë që të është urdhëruar dhe largohu nga idhujtarët.
Kumto haptas atë që të urdhërohet dhe mos ua vër veshin idhujtarëve,
Ti haptazi prediko atë që të është urdhëruar dhe shmangiu idhujtarëve,
إِنَّا كَفَيْنَٰكَ ٱلْمُسْتَهْزِءِينَ ﴿95﴾
Ne të mjaftojmë ty kundër atyre që të tallin,
se Ne të mjaftojmë ty kundër tallësve,
Na të mjaftojmë ty, kundër atyre që të tallin (ty),
ٱلَّذِينَ يَجْعَلُونَ مَعَ ٱللَّهِ إِلَٰهًا ءَاخَرَ ۚ فَسَوْفَ يَعْلَمُونَ ﴿96﴾
e të cilët, përveç Allahut, adhurojnë edhe zot tjetër. Do ta marrin vesh mirë ata!
të cilët adhurojnë krahas Allahut zot tjetër. Por, së shpejti do ta kuptojnë!
të cilët përveç Perëndisë, marrin edhe zot tjetër, dhe do ta dinë ata mirë (fundin)!
وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ ﴿97﴾
Ne e dimë mirë, që ty të ngushtohet zemra nga fjalët e tyre,
Ne e dimë mirë se ty të ngushtohet gjoksi për shkak të asaj që thonë ata,
Na e dimë mirë, që ty të ngushtohet zemra, për atë që thonë ata,
فَسَبِّحْ بِحَمْدِ رَبِّكَ وَكُن مِّنَ ٱلسَّٰجِدِينَ ﴿98﴾
andaj, lartësoje Zotin tënd duke e lavdëruar dhe bëhu prej atyre që i përulen Atij duke u falur!
por ti lartësoje Zotin tënd me lavdërim e ji prej atyre që bëjnë sexhde
andaj, madhëroje dhe falenderoje Zotin tënd dhe bëhu prej atyre që falin namazin!
وَٱعْبُدْ رَبَّكَ حَتَّىٰ يَأْتِيَكَ ٱلْيَقِينُ ﴿99﴾
Dhe adhuroje Zotin tënd derisa të të vijë vdekja!
dhe adhuroje Zotin tënd derisa të të vijë vdekja!
Dhe, adhuroje Zotin tënd përderisa të arrijë gjendja e sigurtë (vdekja)!