Compare up to three verified translation editions verse by verse, including editions in two different languages.
Changing languages or editions keeps the current surah and verse.
بِسْمِ ٱللَّهِ ٱلرَّحْمَٰنِ ٱلرَّحِيمِ عَمَّ يَتَسَآءَلُونَ ﴿1﴾
Për çfarë e pyesin ata njëri-tjetrin?
Për çfarë po pyesin ata njëri-tjetrin?
Për çka pyesin ata njëri-tjetrin? –
عَنِ ٱلنَّبَإِ ٱلْعَظِيمِ ﴿2﴾
Për Lajmin e madh,
Për Lajmin e madh,
Për lajmin e madh,
ٱلَّذِى هُمْ فِيهِ مُخْتَلِفُونَ ﴿3﴾
rreth të cilit ata kanë kundërshtime.
lidhur me të cilin janë në kundërshti.
për të cilin ata kanë mendime të ndryshme.
كَلَّا سَيَعْلَمُونَ ﴿4﴾
Ani, shpejt do ta marrin vesh!
Jo! Por, ata do ta marrin vesh!
Jo, jo, ata, me siguri, do ta dinë!
ثُمَّ كَلَّا سَيَعْلَمُونَ ﴿5﴾
Sigurisht që shpejt do ta marrin vesh!
Sërish jo! Ata do ta marrin vesh patjetër!
E pastaj, sërish, me të vërtetë, do ta dinë!
أَلَمْ نَجْعَلِ ٱلْأَرْضَ مِهَٰدًۭا ﴿6﴾
A nuk jua kemi bërë Tokën si shtrat
A nuk e bëmë Tokën të përshtatshme
A nuk u kemi bërë ne Tokën shtrat?
وَٱلْجِبَالَ أَوْتَادًۭا ﴿7﴾
e malet si shtylla?!
dhe malet shtylla?!
E malet shtyll?
وَخَلَقْنَٰكُمْ أَزْوَٰجًۭا ﴿8﴾
Ne ju kemi krijuar në çifte
Ne ju krijuam në çifte,
Ne ju kemi krijuar dy lloje (mashkull e femër),
وَجَعَلْنَا نَوْمَكُمْ سُبَاتًۭا ﴿9﴾
dhe gjumin jua kemi bërë për prehje.
dhe gjumin jua bëmë pushim
dhe gjumin tuaj ua kemi bërë çlodhje,
وَجَعَلْنَا ٱلَّيْلَ لِبَاسًۭا ﴿10﴾
Natën jua kemi bërë mbulesë,
e natën jua bëmë mbulesë,
kure natën ua kemi bërë mbulesë,
وَجَعَلْنَا ٱلنَّهَارَ مَعَاشًۭا ﴿11﴾
ndërsa ditën e kemi caktuar për të punuar.
kurse ditën për jetesë.
dhe ditën e kemi caktuar për jetesë (ekonomizim),
وَبَنَيْنَا فَوْقَكُمْ سَبْعًۭا شِدَادًۭا ﴿12﴾
Mbi ju kemi ndërtuar shtatë qiej të fortë
Ne ndërtuam mbi ju një shtatëshe[1] të fortë
dhe mbi ju kemi ndërtuar shtratë qiej të fortë.
وَجَعَلْنَا سِرَاجًۭا وَهَّاجًۭا ﴿13﴾
dhe kemi vënë kandil (diell) të shndritshëm!
dhe bëmë një kandil shndritës.
Dhe kemi krijur kandil (diell) të shëndritshëm!
وَأَنزَلْنَا مِنَ ٱلْمُعْصِرَٰتِ مَآءًۭ ثَجَّاجًۭا ﴿14﴾
Nga retë Ne ju lëshojmë ujëra të bollshme
Ne lëshuam nga retë ujë me bollëk,
Ne, nga retë, u leshojmë ujëra të mëdha (shira)
لِّنُخْرِجَ بِهِۦ حَبًّۭا وَنَبَاتًۭا ﴿15﴾
për rritjen e drithërave, bimëve
që të rrisim drithëra, bimë
për rritjen e drithërave dhe bimëve,
وَجَنَّٰتٍ أَلْفَافًا ﴿16﴾
dhe të kopshteve të dendura.
dhe kopshte të dendura.
dhe kopshteve të dendura.,
إِنَّ يَوْمَ ٱلْفَصْلِ كَانَ مِيقَٰتًۭا ﴿17﴾
Sigurisht, Dita e Ndarjes vendimtare është caktuar.
Dita e Vendimit Përfundimtar është e caktuar,
Me të vërtetë, Dita e sqarimit, është caktuar,
يَوْمَ يُنفَخُ فِى ٱلصُّورِ فَتَأْتُونَ أَفْوَاجًۭا ﴿18﴾
Atë Ditë do të fryhet në Sur dhe ju do të vini grupe-grupe.
Dita kur do t'i fryhet Surit dhe ju do të vini grupe-grupe,
Dita kur do të fryhet në buri (Sur), e do të vini ju, grupe-grupe,
وَفُتِحَتِ ٱلسَّمَآءُ فَكَانَتْ أَبْوَٰبًۭا ﴿19﴾
Dyert e qiellit do të hapen
kur qielli do të hapet në shumë dyer
dhe qielli do të hapet dhe do të bëhet dyer,
وَسُيِّرَتِ ٱلْجِبَالُ فَكَانَتْ سَرَابًا ﴿20﴾
dhe malet do të shtyhen tutje e do të bëhen si mirazh.
dhe malet do të shkulen nga vendi e do të duken si vegim.
dhe malet lëvizin e bëhen si hije e ajrit (fatamorganë).
إِنَّ جَهَنَّمَ كَانَتْ مِرْصَادًۭا ﴿21﴾
Me të vërtetë, Xhehenemi do të bëhet pusi,
Vërtet, Xhehenemi është pritë,
Me të vërtetë, Skëterra do të bëhet pusi,
لِّلطَّٰغِينَ مَـَٔابًۭا ﴿22﴾
vendbanim i caktuar për keqbërësit,
vend kthimi për shkelësit e kufijve,
për të këqinjtë vendbanim, -
لَّٰبِثِينَ فِيهَآ أَحْقَابًۭا ﴿23﴾
që aty të mbeten përgjithmonë.
ku do të qëndrojnë përherë.
që aty të mbeten përgjithmonë:
لَّا يَذُوقُونَ فِيهَا بَرْدًۭا وَلَا شَرَابًا ﴿24﴾
Aty nuk do të shijojnë as freski, as pije,
Aty nuk do të shijojnë freski e as pije,
në të, nuk do të shijojnë as freskim, as pije,
إِلَّا حَمِيمًۭا وَغَسَّاقًۭا ﴿25﴾
përpos ujit të valuar dhe qelbësirave,
përveç ujit të valë dhe qelbit,
përpos ujit të vluar dhe qelbësirave,
جَزَآءًۭ وِفَاقًا ﴿26﴾
si shpërblim përkatës (të veprave të tyre).
si ndëshkim i merituar.
(si) shpërblim gjegjës (i veprave të tyre).
إِنَّهُمْ كَانُوا۟ لَا يَرْجُونَ حِسَابًۭا ﴿27﴾
Në të vërtetë, ata as që e çonin nëpër mend se do të jepnin llogari
Ata nuk prisnin të jepnin llogari
Ata, me të vërtetë, nuk kanë menduar në dhënie të llogarisë,
وَكَذَّبُوا۟ بِـَٔايَٰتِنَا كِذَّابًۭا ﴿28﴾
dhe shpalljet Tona i mohonin prerazi.
dhe përgënjeshtronin rëndë ajetet Tona.
dhe argumentet Tona i kanë mohuar krejtësisht,
وَكُلَّ شَىْءٍ أَحْصَيْنَٰهُ كِتَٰبًۭا ﴿29﴾
Por Ne çdo gjë e kemi shënuar në një libër.
Ndërkohë, Ne çdo gjë e kemi shënuar me saktësi.
por Ne, çdo gjë e kemi numërura dhe shënuar.
فَذُوقُوا۟ فَلَن نَّزِيدَكُمْ إِلَّا عَذَابًا ﴿30﴾
Prandaj do t’u themi: “Shijojeni këtë! Ne nuk do t’ju shtojmë gjë tjetër përveçse dënim!”
Prandaj shijoni! Ne nuk do t'ju shtojmë gjë tjetër përveç dënimit.
“Andaj, shijoni, Ne do t’ju shtojmë vetëm dënimin”.
إِنَّ لِلْمُتَّقِينَ مَفَازًا ﴿31﴾
Vërtet, për punëdrejtët është përgatitur e mira (Xheneti):
Me të vërtetë, për të devotshmit do të ketë fitore:
E, me të vërtetë, për ata që i kanë druajtur Perëndisë, u janë përgatitur vende kënaqësie:
حَدَآئِقَ وَأَعْنَٰبًۭا ﴿32﴾
kopshte dhe vreshta,
kopshte e vreshta,
kopshte dhe vreshta,
وَكَوَاعِبَ أَتْرَابًۭا ﴿33﴾
vajza të reja, të së njëjtës moshë,
vasha të një moshe
dhe vajza të reja, të njëjtës moshë,
وَكَأْسًۭا دِهَاقًۭا ﴿34﴾
dhe kupa të plota.
dhe kupa (vere) të mbushura plot.
dhe kupa të plota.
لَّا يَسْمَعُونَ فِيهَا لَغْوًۭا وَلَا كِذَّٰبًۭا ﴿35﴾
Atje nuk do të dëgjojnë biseda të kota e as gënjeshtra.
Aty nuk do të dëgjojnë fjalë të kota e as gënjeshtra.
Nuk do të dëgjojnë atje (në xhennet) biseda të kota as gënjeshtra,
جَزَآءًۭ مِّن رَّبِّكَ عَطَآءً حِسَابًۭا ﴿36﴾
Kështu është shpërblimi nga Zoti yt - dhuratë sipas meritës
Si shpërblim nga Zoti yt, dhuratë e mjaftueshme,
(ky është) shpërblimi i Zotit tënd, i dhënë sipas llogarisë (së veprave të tyre),
رَّبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَا ٱلرَّحْمَٰنِ ۖ لَا يَمْلِكُونَ مِنْهُ خِطَابًۭا ﴿37﴾
Zoti i qiejve dhe i Tokës dhe i gjithçkaje që gjendet midis tyre, i Gjithëmëshirshmi, të Cilit askush nuk do të mund t’i flasë (nga frika).
Zoti i qiejve e i Tokës dhe i gjithçkaje që gjendet ndërmjet tyre, i Gjithëmëshirshmi. Askush nuk mund të flasë para Tij.
Zotit të qiejve dhe të Tokës, dhe çka gjendet në mes tyre, Mëshiruesi, të cilit askush nuk do të mund t’i bëzejë (flas),
يَوْمَ يَقُومُ ٱلرُّوحُ وَٱلْمَلَٰٓئِكَةُ صَفًّۭا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَٰنُ وَقَالَ صَوَابًۭا ﴿38﴾
Në ditën, kur Shpirti (Xhebraili) dhe engjëjt do të jenë të rreshtuar, nuk do të flasë askush, përveç atij që do t’i japë leje i Gjithëmëshirshmi e që do të thotë të vërtetën.
Atë Ditë, kur Shpirti (Xhibrili) dhe melekët do të qëndrojnë radhë-radhë; askush nuk do të flasë, përveç atij që i jep leje i Gjithëmëshirshmi dhe që thotë fjalë të drejta.
në Ditën kur Xhebraili dhe engjëjt do të jenë të rreshtuar, e nuk do të flas askush, përpos atij që do t’i lejojë Mëshiruesi, e që do të thonë të vërtetën.
ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا ﴿39﴾
Ajo është Dita e Vërtetë, prandaj kush të dojë, le të kthehet te Zoti i vet (që në këtë jetë).
Kjo është Dita e vërtetë, prandaj kush të dojë, le të marrë rrugën e kthimit për te Zoti i vet.
Ajo është Ditë e pashmangshme, e kush të dojë, do ta marr strehimin te Zoti i vet.
إِنَّآ أَنذَرْنَٰكُمْ عَذَابًۭا قَرِيبًۭا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَٰلَيْتَنِى كُنتُ تُرَٰبًۢا ﴿40﴾
Me të vërtetë, Ne ju kemi paralajmëruar se është i afërt dënimi, Ditën, kur njeriu do të shohë se ç’kanë bërë duart e tij dhe, kur jobesimtari do të thotë: “Ah, sikur të isha pluhur!”
Ne ju kemi paralajmëruar për një dënim të afërt, Ditën kur njeriu do të shohë çfarë kanë bërë duart e veta dhe kur jobesimtari do të thotë: “Ah, sikur të isha bërë pluhur!”
Me të vërtetë, Ne u kemi paralajmëruar se është i afërt dënimi, në Ditën kur njeriu do t’i shohë veprat e tija, dhe, kur jobesimtari, do të thotë: “Ah, të isha dhé!”