Az-Zalzalah — Tatar Translation

بِسْمِ ٱللَّهِ ٱلرَّحْمَٰنِ ٱلرَّحِيمِ إِذَا زُلْزِلَتِ ٱلْأَرْضُ زِلْزَالَهَا ﴿1﴾

Әгәр җир үзенең селкенүе илә селкендерелсә.

وَأَخْرَجَتِ ٱلْأَرْضُ أَثْقَالَهَا ﴿2﴾

Вә җир үзенең эчендәге үлекләрне, йөкләрне, хәзинәләрне чыгарса.

وَقَالَ ٱلْإِنسَٰنُ مَا لَهَا ﴿3﴾

Һәм кеше әйтсә: "Ни булды бу җиргә", – дип.

يَوْمَئِذٍۢ تُحَدِّثُ أَخْبَارَهَا ﴿4﴾

Шул көндә җир үзенең өстендә эшләнгән эшләрдән хәбәр бирер.

بِأَنَّ رَبَّكَ أَوْحَىٰ لَهَا ﴿5﴾

Тәхкыйк җирнең сөйләмәге Раббыңның аңа сөйлә, дип әйтүе беләндер.

يَوْمَئِذٍۢ يَصْدُرُ ٱلنَّاسُ أَشْتَاتًۭا لِّيُرَوْا۟ أَعْمَٰلَهُمْ ﴿6﴾

Ул көндә кешеләр каберләреннән кубарылып хисап җиренә гамәлләренә күрә төрле фиркаләргә бүленеп барырлар, дөньяда кылган гамәлләренең җәзасын күрмәк өчен.

فَمَن يَعْمَلْ مِثْقَالَ ذَرَّةٍ خَيْرًۭا يَرَهُۥ ﴿7﴾

Берәү тузан бөртеге хәтле генә яхшылык кылган булса, аның җәзасын күрер.

وَمَن يَعْمَلْ مِثْقَالَ ذَرَّةٍۢ شَرًّۭا يَرَهُۥ ﴿8﴾

Вә берәү тузан бөртеге хәтле гөнаһ эшләсә, аның җәзасын күрер.