Compare up to three verified translation editions verse by verse, including editions in two different languages.
Changing languages or editions keeps the current surah and verse.
بِسْمِ ٱللَّهِ ٱلرَّحْمَٰنِ ٱلرَّحِيمِ عَمَّ يَتَسَآءَلُونَ ﴿1﴾
یہ لوگ کس چیز کے بارے میں پوچھ گچھ کر رہے ہیں.[1]
یہ لوگ کس چیز کے بارے میں پوچھ گچھ کر رہے ہیں؟
یہ آپس میں کاہے کی پوچھ گچھ کررہے ہیں
عَنِ ٱلنَّبَإِ ٱلْعَظِيمِ ﴿2﴾
اس بڑی خبر کے متعلق.
کیا اُس بڑی خبر کے بارے میں
بڑی خبر کی
ٱلَّذِى هُمْ فِيهِ مُخْتَلِفُونَ ﴿3﴾
جس کے بارے میں یہ اختلاف کر رہے ہیں.[1]
جس کے متعلق یہ مختلف چہ میگوئیاں کرنے میں لگے ہوئے ہیں؟
جس میں وہ کئی راہ ہیں
كَلَّا سَيَعْلَمُونَ ﴿4﴾
یقیناً یہ عنقریب جان لیں گے۔
ہرگز نہیں، عنقریب اِنہیں معلوم ہو جائیگا
ہاں ہاں اب جائیں گے،
ثُمَّ كَلَّا سَيَعْلَمُونَ ﴿5﴾
پھر بالیقین انہیں بہت جلد معلوم ہو جائے گا.[1]
ہاں، ہرگز نہیں، عنقریب اِنہیں معلوم ہو جائے گا
پھر ہاں ہاں جان جائیں گے
أَلَمْ نَجْعَلِ ٱلْأَرْضَ مِهَٰدًۭا ﴿6﴾
کیا ہم نے زمین کو فرش نہیں بنایا؟[1]
کیا یہ واقعہ نہیں ہے کہ ہم نے زمین کو فرش بنایا
کیا ہم نے زمین کو بچھونا نہ کیا
وَٱلْجِبَالَ أَوْتَادًۭا ﴿7﴾
اور پہاڑوں کو میخیں (نہیں بنایا؟)[1]
اور پہاڑوں کو میخوں کی طرح گاڑ دیا
اور پہاڑوں کو میخیں
وَخَلَقْنَٰكُمْ أَزْوَٰجًۭا ﴿8﴾
اور ہم نے تمہیں جوڑا جوڑا پیدا کیا.[1]
اور تمہیں (مَردوں اور عورتوں کے) جوڑوں کی شکل میں پیدا کیا
اور تمہیں جوڑے بنایا
وَجَعَلْنَا نَوْمَكُمْ سُبَاتًۭا ﴿9﴾
اور ہم نے تمہاری نیند کو آرام کا سبب بنایا.[1]
اور تمہاری نیند کو باعث سکون بنایا
اور تمہاری نیند کو آرام کیا
وَجَعَلْنَا ٱلَّيْلَ لِبَاسًۭا ﴿10﴾
اور رات کو ہم نے پرده بنایا.[1]
اور رات کو پردہ پوش
اور رات کو پردہ پوش کیا
وَجَعَلْنَا ٱلنَّهَارَ مَعَاشًۭا ﴿11﴾
اور دن کو ہم نے وقت روزگار بنایا.[1]
اور دن کو معاش کا وقت بنایا
اور دن کو روزگار کے لیے بنایا
وَبَنَيْنَا فَوْقَكُمْ سَبْعًۭا شِدَادًۭا ﴿12﴾
اور تمہارے اوپر ہم نے سات مضبوط آسمان بنائے.[1]
اور تمہارے اوپر سات مضبوط آسمان قائم کیے
اور تمہارے اوپر سات مضبوط چنائیاں چنیں (تعمیر کیں)
وَجَعَلْنَا سِرَاجًۭا وَهَّاجًۭا ﴿13﴾
اور ایک روشن چراغ (سورج) بنایا.[1]
اور ایک نہایت روشن اور گرم چراغ پیدا کیا
اور ان میں ایک نہایت چمکتا چراغ رکھا
وَأَنزَلْنَا مِنَ ٱلْمُعْصِرَٰتِ مَآءًۭ ثَجَّاجًۭا ﴿14﴾
اور بدلیوں سے ہم نے بکثرت بہتا ہوا پانی برسایا.[1]
اور بادلوں سے لگاتار بارش برسائی
اور پھر بدلیوں سے زور کا پانی اتارا،
لِّنُخْرِجَ بِهِۦ حَبًّۭا وَنَبَاتًۭا ﴿15﴾
تاکہ اس سے اناج اور سبزه اگائیں.[1]
تاکہ اس کے ذریعہ سے غلہ اور سبزی
کہ اس سے پیدا فرمائیں اناج اور سبزہ،
وَجَنَّٰتٍ أَلْفَافًا ﴿16﴾
اور گھنے باغ (بھی اگائیں).[1]
اور گھنے باغ اگائیں؟
اور گھنے باغ
إِنَّ يَوْمَ ٱلْفَصْلِ كَانَ مِيقَٰتًۭا ﴿17﴾
بیشک فیصلہ کے دن کا وقت مقرر ہے.[1]
بے شک فیصلے کا دن ایک مقرر وقت ہے
بیشک فیصلہ کا دن ٹھہرا ہوا وقت ہے،
يَوْمَ يُنفَخُ فِى ٱلصُّورِ فَتَأْتُونَ أَفْوَاجًۭا ﴿18﴾
جس دن کہ صور میں پھونکا جائے گا۔ پھر تم فوج در فوج چلے آؤ گے.[1]
جس روز صور میں پھونک مار دی جائے گی، تم فوج در فوج نکل آؤ گے
جس دن صور پھونکا جائے گا تو تم چلے آؤ گے فوجوں کی فوجیں،
وَفُتِحَتِ ٱلسَّمَآءُ فَكَانَتْ أَبْوَٰبًۭا ﴿19﴾
اور آسمان کھول دیا جائے گا تو اس میں دروازے ہی دروازے ہو جائیں گے.[1]
اور آسمان کھول دیا جائے گا حتیٰ کہ وہ دروازے ہی دروازے بن کر رہ جائے گا
اور آسمان کھولا جائے گا کہ دروازے ہوجائے گا
وَسُيِّرَتِ ٱلْجِبَالُ فَكَانَتْ سَرَابًا ﴿20﴾
اور پہاڑ چلائے جائیں گے پس وه سراب ہو جائیں گے.[1]
اور پہاڑ چلائے جائیں گے یہاں تک کہ وہ سراب ہو جائیں گے
اور پہاڑ چلائے جائیں گے کہ ہوجائیں گے جیسے چمکتا ریتا دور سے پانی کا دھوکا دیتا،
إِنَّ جَهَنَّمَ كَانَتْ مِرْصَادًۭا ﴿21﴾
بیشک دوزخ گھات میں ہے.[1]
درحقیقت جہنم ایک گھات ہے
بیشک جہنم تاک میں ہے،
لِّلطَّٰغِينَ مَـَٔابًۭا ﴿22﴾
سرکشوں کا ٹھکانہ وہی ہے.
سرکشوں کا ٹھکانا
سرکشوں کا ٹھکانا،
لَّٰبِثِينَ فِيهَآ أَحْقَابًۭا ﴿23﴾
اس میں وه مدتوں تک پڑے رہیں گے.[1]
جس میں وہ مدتوں پڑے رہیں گے
اس میں قرنوں (مدتوں) رہیں گے
لَّا يَذُوقُونَ فِيهَا بَرْدًۭا وَلَا شَرَابًا ﴿24﴾
نہ کبھی اس میں خنکی کا مزه چکھیں گے، نہ پانی کا.
اُس کے اندر کسی ٹھنڈک اور پینے کے قابل کسی چیز کا مزہ وہ نہ چکھیں گے
اس میں کسی طرح کی ٹھنڈک کا مزہ نہ پائیں گے اور نہ کچھ پینے کو،
إِلَّا حَمِيمًۭا وَغَسَّاقًۭا ﴿25﴾
سوائے گرم پانی اور (بہتی) پیپ کے.[1]
کچھ ملے گا تو بس گرم پانی اور زخموں کا دھوون
مگر کھولتا پانی اور دوزخیوں کا جلتا پیپ،
جَزَآءًۭ وِفَاقًا ﴿26﴾
(ان کو) پورا پورا بدلہ ملے گا.[1]
(اُن کے کرتوتوں) کا بھرپور بدلہ
جیسے کو تیسا بدلہ
إِنَّهُمْ كَانُوا۟ لَا يَرْجُونَ حِسَابًۭا ﴿27﴾
انہیں تو حساب کی توقع ہی نہ تھی.[1]
وہ کسی حساب کی توقع نہ رکھتے تھے
بیشک انہیں حساب کا خوف نہ تھا
وَكَذَّبُوا۟ بِـَٔايَٰتِنَا كِذَّابًۭا ﴿28﴾
اور بے باکی سے ہماری آیتوں کی تکذیب کرتے تھے.
اور ہماری آیات کو انہوں نے بالکل جھٹلا دیا تھا
اور انہوں نے ہماری آیتیں حد بھر جھٹلائیں،
وَكُلَّ شَىْءٍ أَحْصَيْنَٰهُ كِتَٰبًۭا ﴿29﴾
ہم نے ہر ایک چیز کو لکھ کر شمار کر رکھا ہے.[1]
اور حال یہ تھا کہ ہم نے ہر چیز گن گن کر لکھ رکھی تھی
اور ہم نے ہر چیز لکھ کر شمار کر رکھی ہے
فَذُوقُوا۟ فَلَن نَّزِيدَكُمْ إِلَّا عَذَابًا ﴿30﴾
اب تم (اپنے کیے کا) مزه چکھو ہم تمہارا عذاب ہی بڑھاتے رہیں گے.[1]
اب چکھو مزہ، ہم تمہارے لیے عذاب کے سوا کسی چیز میں ہرگز اضافہ نہ کریں گے
اب چکھو کہ ہم تمہیں نہ بڑھائیں گے مگر عذاب،
إِنَّ لِلْمُتَّقِينَ مَفَازًا ﴿31﴾
یقیناً پرہیزگار لوگوں کے لئے کامیابی ہے.[1]
یقیناً متقیوں کے لیے کامرانی کا ایک مقام ہے
بیشک ڈر والوں کو کامیابی کی جگہ ہے
حَدَآئِقَ وَأَعْنَٰبًۭا ﴿32﴾
باغات ہیں اور انگور ہیں.[1]
باغ اور انگور
باغ ہیں اور انگور،
وَكَوَاعِبَ أَتْرَابًۭا ﴿33﴾
اور نوجوان کنواری ہم عمر عورتیں ہیں.[1]
اور نوخیر ہم سن لڑکیاں
اور اٹھتے جوبن والیاں ایک عمر کی،
وَكَأْسًۭا دِهَاقًۭا ﴿34﴾
اور چھلکتے ہوئے جام ہیں.[1]
اور چھلکتے ہوئے جام
اور چھلکتا جام
لَّا يَسْمَعُونَ فِيهَا لَغْوًۭا وَلَا كِذَّٰبًۭا ﴿35﴾
وہاں نہ تو وه بیہوده باتیں سنیں گے اور نہ جھوٹی باتیں سنیں گے.[1]
وہاں کوئی لغو اور جھوٹی بات وہ نہ سنیں گے
جس میں نہ کوئی بیہودہ بات سنیں نہ جھٹلانا
جَزَآءًۭ مِّن رَّبِّكَ عَطَآءً حِسَابًۭا ﴿36﴾
(ان کو) تیرے رب کی طرف سے (ان کے نیک اعمال کا)یہ بدلہ ملے گا جو کافی انعام ہوگا.[1]
جزا اور کافی انعام تمہارے رب کی طرف سے
صلہ تمہارے رب کی طرف سے نہایت کافی عطا،
رَّبِّ ٱلسَّمَٰوَٰتِ وَٱلْأَرْضِ وَمَا بَيْنَهُمَا ٱلرَّحْمَٰنِ ۖ لَا يَمْلِكُونَ مِنْهُ خِطَابًۭا ﴿37﴾
(اس رب کی طرف سے ملے گا جو کہ) آسمانوں کا اور زمین کا اور جو کچھ ان کے درمیان ہے ان کا پروردگار ہے اور بڑی بخشش کرنے واﻻ ہے۔ کسی کو اس سے بات چیت کرنے کا اختیار نہیں ہوگا.[1]
اُس نہایت مہربان خدا کی طرف سے جو زمین اور آسمانوں کا اور ان کے درمیان کی ہر چیز کا مالک ہے جس کے سامنے کسی کو بولنے کا یارا نہیں
وہ جو رب ہے آسمانوں کا اور زمین کا اور جو کچھ ان کے درمیان ہے رحمن کہ اس سے بات کرنے کا اختیار نہ رکھیں گے
يَوْمَ يَقُومُ ٱلرُّوحُ وَٱلْمَلَٰٓئِكَةُ صَفًّۭا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَٰنُ وَقَالَ صَوَابًۭا ﴿38﴾
جس دن روح اور فرشتے صفیں باندھ کر کھڑے ہوں گے[1] تو کوئی کلام نہ کر سکے گا مگر جسے رحمٰن اجازت دے دے اور وه ٹھیک بات زبان سے نکالے.[2]
جس روز روح اور ملائکہ صف بستہ کھڑے ہونگے، کوئی نہ بولے گا سوائے اُس کے جسے رحمٰن اجازت دے اور جو ٹھیک بات کہے
جس دن جبریل کھڑا ہوگا اور سب فرشتے پرا باندھے (صفیں بنائے) کوئی نہ بول سکے گا مگر جسے رحمن نے اذن دیا اور اس نے ٹھیک بات کہی
ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا ﴿39﴾
یہ دن حق ہے[1] اب جو چاہے اپنے رب کے پاس (نیک اعمال کر کے) ٹھکانا بنالے.[2]
وہ دن برحق ہے، اب جس کا جی چاہے اپنے رب کی طرف پلٹنے کا راستہ اختیار کر لے
وہ سچا دن ہے اب جو چاہے اپنے رب کی طرف راہ بنالے
إِنَّآ أَنذَرْنَٰكُمْ عَذَابًۭا قَرِيبًۭا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَٰلَيْتَنِى كُنتُ تُرَٰبًۢا ﴿40﴾
ہم نے تمہیں عنقریب آنے والے عذاب سے ڈرا دیا (اور چوکنا کر دیا) ہے[1] ۔ جس دن انسان اپنے ہاتھوں کی کمائی کو دیکھ لے گا[2] اور کافر کہے گا کہ کاش! میں مٹی ہو جاتا.[3]
ہم نے تم لوگوں کو اُس عذاب سے ڈرا دیا ہے جو قریب آ لگا ہے جس روز آدمی وہ سب کچھ دیکھ لے گا جو اس کے ہاتھوں نے آگے بھیجا ہے، اور کافر پکار اٹھے گا کہ کاش میں خاک ہوتا
ہم تمہیں ایک عذاب سے ڈراتے ہیں کہ نزدیک آگیا جس دن آدمی دیکھے گا جو کچھ اس کے ہاتھوں نے آگے بھیجا اور کافر کہے گا ہائے میں کسی طرح خاک ہوجاتا