Compare up to three verified translation editions verse by verse, including editions in two different languages.
Changing languages or editions keeps the current surah and verse.
بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلنَّٰزِعَٰتِ غَرْقًۭا ﴿1﴾
(Кофирларнинг жонларини баданларининг) ич-ичидан қаттиқ суғуриб оладиган (фаришта)ларга қасам,
Шиддат билан (жонни) суғуриб олувчи (фаришта)ларга қасам.
Шиддат билан (кофир) жонни суғуриб олувчи(фаришта)лар билан қасам.
وَٱلنَّٰشِطَٰتِ نَشْطًۭا ﴿2﴾
(Мўминларнинг жонларини осонлик билан) илдам тортиб оладиган (фаришта)ларга қасам,
Юмшоқлик билан жон олувчи (фаришта)ларга қасам.
Юмшоқлик билан (мўмин) жонни олувчи (фаришта)лар билан қасам.
وَٱلسَّٰبِحَٰتِ سَبْحًۭا ﴿3﴾
(Осмонлар билан Ер ўртасида) силлиқ сузадиган (фаришта)ларга қасам,
Сузиб юрувчи (фаришта)ларга қасам.
Сузиб юрувчи (фаришта)лар билан қасам.
فَٱلسَّٰبِقَٰتِ سَبْقًۭا ﴿4﴾
(Ўз зиммаларидаги вазифаларни адо этишда) шошиб-ўзадиган (фаришта)ларга қасам,
Ўзишда мусобақа қилувчи (фаришта)ларга қасам.
Ўзишда мусобақа қилувчи (фаришта)лар билан қасам.
فَٱلْمُدَبِّرَٰتِ أَمْرًۭا ﴿5﴾
(Аллоҳ буюрган барча) ишнинг тадбирини тузиб турадиган (фаришта)ларга қасамки, (сизлар албатта қайта тирилиб, ҳисоб-китоб қилинурсизлар)![1]
Ишнинг тадбирини қилувчи (фаришта)ларга қасам.
Амрнинг тадбирини қилувчи (фаришта)лар билан қасам.
يَوْمَ تَرْجُفُ ٱلرَّاجِفَةُ ﴿6﴾
У Кунда (Сур биринчи марта чалиниши билан) титрагувчи (ер) титраб (устидаги бор жонзот ҳалок қилинади);
Титрагувчи титраган кунда.
Изтиробга тушувчи изтиробга тушган кунда.
تَتْبَعُهَا ٱلرَّادِفَةُ ﴿7﴾
Унга эргашувчи эргашур (яъни, орадан қирқ сана ўтгач, Сур иккинчи марта чалиниб барча нарсага қайтадан ҳаёт ато этилади ва Қиёмат Куни бошланади).
Унга эргашувчи эргашганда.
Унга эргашувчи эргашар.
قُلُوبٌۭ يَوْمَئِذٍۢ وَاجِفَةٌ ﴿8﴾
У Кунда (кофирларнинг) диллари қўрқувга тушгувчи,
Ўша кунда қалблар қўрқувга тушгувчидир.
Ўша кунда қалблар хавфга тўлар.
أَبْصَٰرُهَا خَٰشِعَةٌۭ ﴿9﴾
Кўзлари эса (даҳшатдан Ерга) эгилиб қолгувчидир!
Кўзлари эса эгилиб қолгувчидир!
Уларнинг кўзлари қўрқинчга тўлар.
يَقُولُونَ أَءِنَّا لَمَرْدُودُونَ فِى ٱلْحَافِرَةِ ﴿10﴾
Улар (бу дунёда) дерлар: «Ҳақиқатан ҳам бизлар (ўлганимиздан кейин яна қайта тирилиб) аввалги ҳолатимизга қайтарилгувчимизми?
Дейдилар: «Биз ростдан ҳам ортга қайтариламизми?»
Улар: «Биз ортга қайтариламизми?
أَءِذَا كُنَّا عِظَٰمًۭا نَّخِرَةًۭ ﴿11﴾
Чириган суякларга айланиб қолган вақтимизда-я?»
«Чириган суяк бўлганимиздан кейин ҳам-а?»
Чириган суяк бўлганимиздан кейин ҳам-а?
قَالُوا۟ تِلْكَ إِذًۭا كَرَّةٌ خَاسِرَةٌۭ ﴿12﴾
Улар (истеҳзо билан): «Ундоқ бўлса бу (бизлар учун) зиён қилгувчи қайтиш-ку!», дедилар.
«Ундай бўлса, бу зиёнли қайтиш-ку!» – дерлар.
Агар шундоқ бўлса, бу ҳасратий қайтиш-ку?» дерлар.
فَإِنَّمَا هِىَ زَجْرَةٌۭ وَٰحِدَةٌۭ ﴿13﴾
Бас, у (қайтиш) фақат биргина даҳшатли қичқириқдир (яъни, Сурнинг иккинчи марта чалинишидир).
Албатта, у бир қичқириқдан бошқа нарса эмас.
Албатта, у(қиёмат) бир қичқириқдан бошқа нарса эмас.
فَإِذَا هُم بِٱلسَّاهِرَةِ ﴿14﴾
Сўнг баногоҳ улар (тирик ҳолда) Ер устида бўлиб қолурлар!
Қарабсизки, улар ер устида бўлиб қолурлар!
Кўрибсизки, улар қиёмат майдонида турибди-да.
هَلْ أَتَىٰكَ حَدِيثُ مُوسَىٰٓ ﴿15﴾
(Эй Муҳаммад алайҳис-салоту вас-салом), сизга Мусонинг хабари келдими?
Сизга Мусонинг хабари келдими?
Сенга Мусонинг хабари келдими?
إِذْ نَادَىٰهُ رَبُّهُۥ بِٱلْوَادِ ٱلْمُقَدَّسِ طُوًى ﴿16﴾
Эсланг, Парвардигори унга муқаддас Туво водийсида (шундай) нидо қилган эди:
Эсланг, Парвардигори унга муқаддас Туво водийсида (шундай) нидо қилган эди:
Қачонки Роббиси унга муқаддас Тува водийсида нидо қилди:
ٱذْهَبْ إِلَىٰ فِرْعَوْنَ إِنَّهُۥ طَغَىٰ ﴿17﴾
«(Эй Мусо), сен Фиръавннинг олдига боргин, чунки у (куфру исён билан) ҳаддидан ошди.
«Фиръавннинг ёнига бор, чунки у ҳаддидан ошди.
«Фиръавн ҳузурига бор, албатта у туғёнга кетди.
فَقُلْ هَل لَّكَ إِلَىٰٓ أَن تَزَكَّىٰ ﴿18﴾
Бас, (унга) айтинг: «Сенинг (куфр иллатидан) покланишга рағбат-хоҳишинг борми?
Унга: «Сенда покланишга (рағбат) борми?
Бас унга айт: «Сенда покланишга (рағбат) борми?
وَأَهْدِيَكَ إِلَىٰ رَبِّكَ فَتَخْشَىٰ ﴿19﴾
Мен сени Парвардигоринг (йўли)га ҳидоят қилсам, бас, сен (У зотдан) қўрқсанг».
Сени Парвардигоринг сари бошласам, бас, (У зотдан) қўрқсанг», деб айт».
Ва сени Роббингга ҳидоят қилсам, шоядки (Ундан) қўрқсанг», деб»
فَأَرَىٰهُ ٱلْءَايَةَ ٱلْكُبْرَىٰ ﴿20﴾
Сўнг (Мусо) унга бир улкан мўъжиза кўрсатган эди,
Унга бир улкан мўъжиза кўрсатди.
Ва унга улкан аломатни кўрсатди.
فَكَذَّبَ وَعَصَىٰ ﴿21﴾
(Фиръавн) уни ёлғончи қилди (яъни, Мусога: «Сен сеҳргарсан», деб туҳмат қилди) ва (Аллоҳ таолога) осий-итоатсиз бўлди.
(Фиръавн) уни ёлғонга чиқарди ва осий бўлди.
Ул уни ёлғонга чиқарди ва осий бўлди.
ثُمَّ أَدْبَرَ يَسْعَىٰ ﴿22﴾
Сўнгра (фисқу фасодни ёйиш йўлида) саъй-ҳаракат қилган ҳолида (Мусодан) юз ўгириб кетди.
Сўнг юз ўгириб, тезлаб кетди.
Сўнг ортига ўгирилиб тезлаб кетди¬.
فَحَشَرَ فَنَادَىٰ ﴿23﴾
Сўнг (ўз одамларини) тўплади-да, жар солди:
Сўнг (ўз одамларини) тўплаб, жар солди:
Кейин (одамларни) тўплаб нидо қилди.
فَقَالَ أَنَا۠ رَبُّكُمُ ٱلْأَعْلَىٰ ﴿24﴾
«Мен сизларнинг энг устун Парвардигорингиздирман», деди.
«Мен сизларнинг энг олий Парвардигорингиздирман», деди.
Ва, мен сизларнинг энг олий Роббингизман, деди.
فَأَخَذَهُ ٱللَّهُ نَكَالَ ٱلْءَاخِرَةِ وَٱلْأُولَىٰٓ ﴿25﴾
Бас, Аллоҳ уни ҳам Охират, ҳам дунё азоби билан ушлади (яъни, дунёда у денгизга ғарқ қилиб юборилди, Охиратда эса дўзах азобига дучор бўлур).
Бас, Аллоҳ уни охират ва дунё азобига гирифтор қилди.
Бас Аллоҳ уни аввалги ва охирги гуноҳлари учун азобга олди.
إِنَّ فِى ذَٰلِكَ لَعِبْرَةًۭ لِّمَن يَخْشَىٰٓ ﴿26﴾
Албатта бу (қисса)да (Аллоҳдан) қўрқадиган кишилар учун ибрат бордир.[2]
Албатта, бунда У зотдан қўрқадиганлар учун ибрат бордир.
Албатта, бунда қўрқадиганлар учун ибрат бордир.
ءَأَنتُمْ أَشَدُّ خَلْقًا أَمِ ٱلسَّمَآءُ ۚ بَنَىٰهَا ﴿27﴾
(Эй мушриклар), сизларни яратиш қийинроқми ёки осмонними?! (Яъни, бутун Ер куррасининг атрофини ўзга сайёралардан бирон зиён етмаслиги учун том — осмон билан қоплаб қўйишга қодир бўлган Зот учун сизларни яратиш ёки қайта тирилтириш ҳеч гап эмас-ку!) (Аллоҳ) уни бино қилди;
Сизларни яратиш қийинми ёки осмонними? Уни (Аллоҳ) бино қилди.
Сизларни яратиш қийинми ёки У зот бино қилган осмонними?
رَفَعَ سَمْكَهَا فَسَوَّىٰهَا ﴿28﴾
Шифтини баланд қилиб, тиклади.
Шифтини баланд қилиб, тиклади.
Унинг шифтини юқори кўтарди ва бекаму кўст, мустаҳкам қилиб қўйди.
وَأَغْطَشَ لَيْلَهَا وَأَخْرَجَ ضُحَىٰهَا ﴿29﴾
Ва У ўша (осмон)нинг тунини қоронғу қилиб, (ундан) кундузини чиқарди.
Кечасини қоронғу қилиб, (ундан) кундузини чиқарди.
Кечасини қоронғу ва кундузини ёруғ қилди.
وَٱلْأَرْضَ بَعْدَ ذَٰلِكَ دَحَىٰهَآ ﴿30﴾
Ва шундан кейин Ерни ёйиб-текис қилди.
Ундан кейин ерни ёйиб текис қилди.
Ва ундан сўнг ерни тухум шаклида қилди.
أَخْرَجَ مِنْهَا مَآءَهَا وَمَرْعَىٰهَا ﴿31﴾
Ундан суви-ю, ўтлоқларини чиқарди.
Ундан сувини, ўтлоқларини чиқарди.
Ундан сувни, ўт-ўланларни чиқарди.
وَٱلْجِبَالَ أَرْسَىٰهَا ﴿32﴾
Ва у (ер)га тоғларни ўрнаштирди.
Ва тоғларни ўрнаштирди.
Ва тоғларни собит қилди.
مَتَٰعًۭا لَّكُمْ وَلِأَنْعَٰمِكُمْ ﴿33﴾
(Буларнинг барчаси) сизлар учун ва чорва ҳайвонларингиз учун манфаат бўлсин деб (қилингандир).
Сизларга ва чорваларингизга фойдали бўлиши учун.
Сизларга ва чорваларингизга манфаат бўлсин учун.
فَإِذَا جَآءَتِ ٱلطَّآمَّةُ ٱلْكُبْرَىٰ ﴿34﴾
Бас, қачон катта бало (яъни, Қиёмат) келганида
Катта бало келганида.
Вақтики катта ғолиб (қиёмат) келса.
يَوْمَ يَتَذَكَّرُ ٱلْإِنسَٰنُ مَا سَعَىٰ ﴿35﴾
— Инсон ўз қилмишини эслаб коладиган Кунда,
Инсон ўз қилмишини ёдга олган кунда.
У куни инсон қилган ишларини эслайдир.
وَبُرِّزَتِ ٱلْجَحِيمُ لِمَن يَرَىٰ ﴿36﴾
Ва дўзах кўрадиган (ҳар бир) кишига кўрсатиб қўйилганида.
Ва дўзах кўрадиган кимсага кўрсатиб қўйилганида.
Ва жаҳаннам кўрадиганларга зоҳир қилинадир.
فَأَمَّا مَن طَغَىٰ ﴿37﴾
Бас, ана ўшанда ким (ҳаёти дунёда куфру исён билан) туғёнга тушган,
Ўшанда ким ҳаддидан ошган бўлса.
Аммо кимики туғёнга кетиб, ҳаддидан ошган бўлса
وَءَاثَرَ ٱلْحَيَوٰةَ ٱلدُّنْيَا ﴿38﴾
Ва ҳаёти дунёни (Охиратдан) устун қўйган бўлса,
Ва бу дунё ҳаётини устун қўйган бўлса.
Ва бу дунё ҳаётини устун қўйган бўлса,
فَإِنَّ ٱلْجَحِيمَ هِىَ ٱلْمَأْوَىٰ ﴿39﴾
У ҳолда фақат жаҳаннамгина (унинг учун) жой бўлур!
Унинг жойи фақат жаҳаннам бўлур.
Бас, албатта, Жаҳийм ўрин бўладир.
وَأَمَّا مَنْ خَافَ مَقَامَ رَبِّهِۦ وَنَهَى ٱلنَّفْسَ عَنِ ٱلْهَوَىٰ ﴿40﴾
Энди ким (ҳаёти дунёдалик пайтида Қиёмат Куни маҳшаргоҳда) Парвардигорининг (ҳузурида) туриши (ва У зотга ҳисоб-китоб бериши)дан қўрққан ва нафсини ҳавойи хоҳишлардан қайтарган бўлса,
Ким Парвардигори қошида туришдан қўрқиб, нафсни хоҳиш-истаклардан тийган бўлса.
Ва, аммо ким Роббисининг мақомидан қўрққан ва ўз нафсини ҳаволаниб кетишидан қайтарган бўлса.
فَإِنَّ ٱلْجَنَّةَ هِىَ ٱلْمَأْوَىٰ ﴿41﴾
У ҳолда фақат жаннатгина (унинг учун) жой бўлур.
Бас, унинг жойи жаннатдир.
Бас, албатта, жаннат ўрин бўладир.
يَسْـَٔلُونَكَ عَنِ ٱلسَّاعَةِ أَيَّانَ مُرْسَىٰهَا ﴿42﴾
(Эй Муҳаммад алайҳис-салоту вас-салом, мушриклар) сиздан (ўша Қиёмат) соатини қачон воқеъ бўлиши ҳақида сўрарлар.
Сиздан, Қиёмат қачон бўлиши ҳақида сўрайдилар.
Сендан, қиёмат қачон бўлур? деб сўрарлар.
فِيمَ أَنتَ مِن ذِكْرَىٰهَآ ﴿43﴾
Сиз қаердасиз-у, уни (яъни, Қиёмат қачон бўлишини) зикр қилиб-эслаш (қаерда)? (Яъни, сиз ҳеч қачон у Куннинг вақтини айтиб бера олмайсиз).
Сиз қаёқда-ю, уни зикр қилиш қаёқда?!
Унинг зикрини сен қандоқ билардинг.
إِلَىٰ رَبِّكَ مُنتَهَىٰهَآ ﴿44﴾
Уни (билиш) ёлғиз Парвардигорингизга бориб тўхтар.
Уни (билиш) ёлғиз Парвардигорингизга бориб тўхтар.
Унинг интиҳоси Роббингга хосдир.
إِنَّمَآ أَنتَ مُنذِرُ مَن يَخْشَىٰهَا ﴿45﴾
Сиз фақат ўша (Қиёмат)дан қўрқадиган кишиларни огоҳлантиргувчисиз, холос. (Аммо у Куннинг қачон воқеъ бўлишини айтиб бериш сизнинг вазифангиз эмасдир).
Сиз фақат ундан қўрқадиган кишиларни огоҳлантиргувчисиз, холос.
Албатта сен ун(қиёмат)дан қўрққанларга огоҳлантирувчисан, холос.
كَأَنَّهُمْ يَوْمَ يَرَوْنَهَا لَمْ يَلْبَثُوٓا۟ إِلَّا عَشِيَّةً أَوْ ضُحَىٰهَا ﴿46﴾
Улар у (Қиёмат соати)ни кўрадиган Кунда (бу дунёда) гўё биргина пешиндан сўнг ёки чошгоҳ пайтида тургандек (яъни, бир кун ҳам яшамагандек) бўлиб қолурлар!
Уни кўрадиган кунда худди (бу дунёда) биргина Пешиндан сўнг ёки чошгоҳ пайтида тургандек бўлиб қолурлар!
Уни кўрган кунлари худди бу дунёда бир кеча ёки кундуздан бошқа турмаганга ўхшарлар.