«احرص على ما ينفعك» – طريق الإسلام

«احرص على ما ينفعك واستعن بالله ولا تعجز»
توجيه نبوي للتمسك باللي ينفعك وما يستقيم لك “في الوقت الحالي”

اتعلم إدارة أولوياتك حسب الأهمية والمنفعة خصوصا إدارة سيل المساقات والدورات العلمية اللي أنت مشترك فيها..

لأن من الخلل والخطأ أنك تتعامل مع كل المحتوى اللي حواليك على أنه “مهم” ولازم يتشاف دلوقتي!
فيه أولويات، الكورسات المدفوعة مقدمة على المجانية لو مقترنة بوقت، والمهارات المهنية علشان سوق العمل أكثر أهمية من مهارات تعلم “كيف تكون مدير ناجح” لأنك لسه مش موظف أصلا علشان تدور على مهارات المدير الناجح!

حدد أولوياتك على حسب المطلوب (حاليًا) وشوف ايه اللي ناقصك (دلوقتي) واستدركه وبعدها انقل على اللي بعده، لأن وقتك محدود وعمرك مفيش فيه متسع لكل المعلومات والمعارف!
“احرص على ما ينفعك”