Al-'Alaq — Pashto Translation

بِسْمِ ٱللَّهِ ٱلرَّحْمَٰنِ ٱلرَّحِيمِ ٱقْرَأْ بِٱسْمِ رَبِّكَ ٱلَّذِى خَلَقَ ﴿1﴾

ته د خپل هغه رب په نامه سره ولوله چې پیدا كړي يې دي (ټول مخلوقات)

خَلَقَ ٱلْإِنسَٰنَ مِنْ عَلَقٍ ﴿2﴾

ده انسان له پرنې (ټوټې) وینې نه پیدا كړى دى

ٱقْرَأْ وَرَبُّكَ ٱلْأَكْرَمُ ﴿3﴾

ته ولوله، په داسې حال كې چې ستا رب تر ټولو لوى كریم دى

ٱلَّذِى عَلَّمَ بِٱلْقَلَمِ ﴿4﴾

هغه چې په قلم سره يې ښوونه كړې ده

عَلَّمَ ٱلْإِنسَٰنَ مَا لَمْ يَعْلَمْ ﴿5﴾

انسان ته يې هغه څه ښودلي دي چې دى پرې نه پوهېده

كَلَّآ إِنَّ ٱلْإِنسَٰنَ لَيَطْغَىٰٓ ﴿6﴾

حقه دا خبره ده چې یقینًا انسان خامخا سركشي كوي

أَن رَّءَاهُ ٱسْتَغْنَىٰٓ ﴿7﴾

په دې وجه چې دى خپل ځان ویني چې دى بې پروا (بې حاجته) شو

إِنَّ إِلَىٰ رَبِّكَ ٱلرُّجْعَىٰٓ ﴿8﴾

بېشكه خاص ستا رب ته بېرته ورتلل دي

أَرَءَيْتَ ٱلَّذِى يَنْهَىٰ ﴿9﴾

ته ما ته خبر راكړه د هغه كس چې منع كوي

عَبْدًا إِذَا صَلَّىٰٓ ﴿10﴾

بنده (محمدﷺ) لره كله چې دى لمونځ كوي

أَرَءَيْتَ إِن كَانَ عَلَى ٱلْهُدَىٰٓ ﴿11﴾

ته ما ته خبر راكړه كه چېرې دغه (بنده) په هدایت وي

أَوْ أَمَرَ بِٱلتَّقْوَىٰٓ ﴿12﴾

یا په تقوٰی (پرهېزګارۍ) سره حكم كوي

أَرَءَيْتَ إِن كَذَّبَ وَتَوَلَّىٰٓ ﴿13﴾

ته ما ته خبر راكړه كه دغه (منع كوونكى) تكذیب كوي او (له حق نه) مخ اړوي

أَلَمْ يَعْلَم بِأَنَّ ٱللَّهَ يَرَىٰ ﴿14﴾

ایا دى نه پوهېږي چې بېشكه الله ویني؟

كَلَّا لَئِن لَّمْ يَنتَهِ لَنَسْفَعًۢا بِٱلنَّاصِيَةِ ﴿15﴾

داسې نه ده! قسم دى كه دى منع نشو، (نو) مونږ به (دى) خامخا ضرور ډېر سخت راكاږو د تندي (وچولي) په وېښتانو سره

نَاصِيَةٍۢ كَٰذِبَةٍ خَاطِئَةٍۢ ﴿16﴾

داسې تندى چې دروغجن (او) خطا كار دى

فَلْيَدْعُ نَادِيَهُۥ ﴿17﴾

نو دى دې خپل مجلس والا راوبلي

سَنَدْعُ ٱلزَّبَانِيَةَ ﴿18﴾

ژر ده چې مونږ به ډېر سخت تند خویه ملايك راوبلو

كَلَّا لَا تُطِعْهُ وَٱسْجُدْ وَٱقْتَرِب ۩ ﴿19﴾

داسې نه ده ته د ده خبره مه منه، او (الله ته) سجده كوه او (الله ته) ښه نژدې شه