Al-Layl — Albanian Translation

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلَّيْلِ إِذَا يَغْشَىٰ ﴿1﴾

Për natën që mbulon (me terr),

وَٱلنَّهَارِ إِذَا تَجَلَّىٰ ﴿2﴾

për ditën që agon

وَمَا خَلَقَ ٱلذَّكَرَ وَٱلْأُنثَىٰٓ ﴿3﴾

dhe për Atë që ka krijuar mashkullin dhe femrën!

إِنَّ سَعْيَكُمْ لَشَتَّىٰ ﴿4﴾

Vërtet, veprat tuaja janë të ndryshme.

فَأَمَّا مَنْ أَعْطَىٰ وَٱتَّقَىٰ ﴿5﴾

Sa për atë që jep (për hir të Allahut), ka frikë (nga Ai)

وَصَدَّقَ بِٱلْحُسْنَىٰ ﴿6﴾

dhe dëshmon për vërtetësinë e më të bukurës (besimit),

فَسَنُيَسِّرُهُۥ لِلْيُسْرَىٰ ﴿7﴾

Ne do t’ia lehtësojmë atij rrugën drejt shpëtimit.

وَأَمَّا مَنۢ بَخِلَ وَٱسْتَغْنَىٰ ﴿8﴾

Kurse atij që është koprrac, ndihet i vetëmjaftueshëm,

وَكَذَّبَ بِٱلْحُسْنَىٰ ﴿9﴾

dhe e quan gënjeshtër më të bukurën (besimin),

فَسَنُيَسِّرُهُۥ لِلْعُسْرَىٰ ﴿10﴾

Ne do t’ia lehtësojmë rrugën drejt dënimit,

وَمَا يُغْنِى عَنْهُ مَالُهُۥٓ إِذَا تَرَدَّىٰٓ ﴿11﴾

e, kur të hidhet (në zjarr), pasuria e tij nuk do t’i bëjë dobi.

إِنَّ عَلَيْنَا لَلْهُدَىٰ ﴿12﴾

Neve na përket që t’ua tregojmë rrugën e drejtë,

وَإِنَّ لَنَا لَلْءَاخِرَةَ وَٱلْأُولَىٰ ﴿13﴾

dhe, me të vërtetë, e Jona është ajo botë dhe kjo botë!

فَأَنذَرْتُكُمْ نَارًۭا تَلَظَّىٰ ﴿14﴾

Prandaj Unë ju kam tërhequr vërejtjen me një zjarr që flakëron,

لَا يَصْلَىٰهَآ إِلَّا ٱلْأَشْقَى ﴿15﴾

ku do të hidhet vetëm më i keqi,

ٱلَّذِى كَذَّبَ وَتَوَلَّىٰ ﴿16﴾

që ka mohuar dhe është larguar nga besimi.

وَسَيُجَنَّبُهَا ٱلْأَتْقَى ﴿17﴾

E do të mbahet larg tij (zjarrit) më i devotshmi (që ruhet nga gjynahet),

ٱلَّذِى يُؤْتِى مَالَهُۥ يَتَزَكَّىٰ ﴿18﴾

që e jep pasurinë e tij, duke pastruar veten

وَمَا لِأَحَدٍ عِندَهُۥ مِن نِّعْمَةٍۢ تُجْزَىٰٓ ﴿19﴾

dhe duke mos pritur shpërblim prej dikujt tjetër për këtë,

إِلَّا ٱبْتِغَآءَ وَجْهِ رَبِّهِ ٱلْأَعْلَىٰ ﴿20﴾

por vetëm për të kërkuar Fytyrën (kënaqësinë) e Zotit të tij, më të Lartit.

وَلَسَوْفَ يَرْضَىٰ ﴿21﴾

Dhe ai, me siguri, do të jetë i kënaqur!