Al-A'la — Albanian Translation

بِسْمِ ٱللَّهِ ٱلرَّحْمَٰنِ ٱلرَّحِيمِ سَبِّحِ ٱسْمَ رَبِّكَ ٱلْأَعْلَى ﴿1﴾

Lartësoje emrin e Zotit tënd, më të Lartit,

ٱلَّذِى خَلَقَ فَسَوَّىٰ ﴿2﴾

i Cili krijoi dhe përsosi (çdo gjë),

وَٱلَّذِى قَدَّرَ فَهَدَىٰ ﴿3﴾

përcaktoi e udhëzoi,

وَٱلَّذِىٓ أَخْرَجَ ٱلْمَرْعَىٰ ﴿4﴾

dhe bëri të mbijnë kullotat

فَجَعَلَهُۥ غُثَآءً أَحْوَىٰ ﴿5﴾

e pastaj i bëri të thahen e të vyshken.

سَنُقْرِئُكَ فَلَا تَنسَىٰٓ ﴿6﴾

Ne do ta lexojmë ty (Kuranin), kështu që nuk do të harrosh,

إِلَّا مَا شَآءَ ٱللَّهُ ۚ إِنَّهُۥ يَعْلَمُ ٱلْجَهْرَ وَمَا يَخْفَىٰ ﴿7﴾

përveç asaj që do Allahu. Ai e di të dukshmen dhe atë që fshihet.

وَنُيَسِّرُكَ لِلْيُسْرَىٰ ﴿8﴾

Ne do të ta lehtësojmë ty rrugën e lehtë,

فَذَكِّرْ إِن نَّفَعَتِ ٱلذِّكْرَىٰ ﴿9﴾

prandaj këshillo, nëse këshilla bën dobi,

سَيَذَّكَّرُ مَن يَخْشَىٰ ﴿10﴾

se do të përfitojë prej saj ai që ka frikë (Allahun)

وَيَتَجَنَّبُهَا ٱلْأَشْقَى ﴿11﴾

dhe do t'i shmanget më i mjeri,

ٱلَّذِى يَصْلَى ٱلنَّارَ ٱلْكُبْرَىٰ ﴿12﴾

ai që do të digjet në Zjarrin e madh,

ثُمَّ لَا يَمُوتُ فِيهَا وَلَا يَحْيَىٰ ﴿13﴾

ku as do të vdesë, as do të jetojë.

قَدْ أَفْلَحَ مَن تَزَكَّىٰ ﴿14﴾

Ka fituar ai që pastrohet,

وَذَكَرَ ٱسْمَ رَبِّهِۦ فَصَلَّىٰ ﴿15﴾

që e përmend emrin e Zotit të vet dhe që falet.

بَلْ تُؤْثِرُونَ ٱلْحَيَوٰةَ ٱلدُّنْيَا ﴿16﴾

Por ju i jepni përparësi jetës së kësaj bote,

وَٱلْءَاخِرَةُ خَيْرٌۭ وَأَبْقَىٰٓ ﴿17﴾

ndonëse jeta tjetër është më e mirë dhe më e qëndrueshme.

إِنَّ هَٰذَا لَفِى ٱلصُّحُفِ ٱلْأُولَىٰ ﴿18﴾

Në të vërtetë, kjo gjendet në Fletët e hershme,

صُحُفِ إِبْرَٰهِيمَ وَمُوسَىٰ ﴿19﴾

në Fletët e Ibrahimit dhe të Musait.