Al-Layl — Tagalog Translation

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلَّيْلِ إِذَا يَغْشَىٰ ﴿1﴾

Sumpa man sa gabi kapag bumabalot ito,

وَٱلنَّهَارِ إِذَا تَجَلَّىٰ ﴿2﴾

sumpa man sa maghapon kapag nahayag ito,

وَمَا خَلَقَ ٱلذَّكَرَ وَٱلْأُنثَىٰٓ ﴿3﴾

sumpa man sa pagkalikha sa lalaki at babae;

إِنَّ سَعْيَكُمْ لَشَتَّىٰ ﴿4﴾

tunay na ang pagpupunyagi ninyo ay talagang sarisari.

فَأَمَّا مَنْ أَعْطَىٰ وَٱتَّقَىٰ ﴿5﴾

Kaya hinggil naman sa sinumang nagbigay [ng isinatungkulin] at nangilag magkasala

وَصَدَّقَ بِٱلْحُسْنَىٰ ﴿6﴾

at nagpatotoo sa pinakamaganda,[1]

فَسَنُيَسِّرُهُۥ لِلْيُسْرَىٰ ﴿7﴾

magpapadali Kami sa kanya para sa pinakamadali;

وَأَمَّا مَنۢ بَخِلَ وَٱسْتَغْنَىٰ ﴿8﴾

at hinggil naman sa sinumang nagmaramot at nagturing na makapagsarili

وَكَذَّبَ بِٱلْحُسْنَىٰ ﴿9﴾

at nagpasinungaling sa pinakamaganda,[2]

فَسَنُيَسِّرُهُۥ لِلْعُسْرَىٰ ﴿10﴾

magpapadali Kami sa kanya para sa pinakamahirap.

وَمَا يُغْنِى عَنْهُ مَالُهُۥٓ إِذَا تَرَدَّىٰٓ ﴿11﴾

Ano ang maidudulot para sa kanya ng yaman niya kapag nabulid siya [sa Impiyerno]?

إِنَّ عَلَيْنَا لَلْهُدَىٰ ﴿12﴾

Tunay na nasa Amin ay talagang ang pagpapatnubay.

وَإِنَّ لَنَا لَلْءَاخِرَةَ وَٱلْأُولَىٰ ﴿13﴾

Tunay na sa Amin ay talagang ang Kabilang-buhay at ang Unang-buhay.

فَأَنذَرْتُكُمْ نَارًۭا تَلَظَّىٰ ﴿14﴾

Kaya nagbabala Ako sa inyo ng apoy na naglalagablab.

لَا يَصْلَىٰهَآ إِلَّا ٱلْأَشْقَى ﴿15﴾

Walang masusunog doon kundi ang pinakamalumbay,

ٱلَّذِى كَذَّبَ وَتَوَلَّىٰ ﴿16﴾

na nagpasinungaling [sa inihatid ng Sugo] at tumalikod.

وَسَيُجَنَّبُهَا ٱلْأَتْقَى ﴿17﴾

Paiiwasin doon ang pinakatagapangilag magkasala,

ٱلَّذِى يُؤْتِى مَالَهُۥ يَتَزَكَّىٰ ﴿18﴾

na nagbibigay ng yaman niya [sa kabutihan] habang nagpapakabusilak [sa kasalanan]

وَمَا لِأَحَدٍ عِندَهُۥ مِن نِّعْمَةٍۢ تُجْزَىٰٓ ﴿19﴾

at hindi para sa isang mayroon siyang anumang biyayang gagantihan,

إِلَّا ٱبْتِغَآءَ وَجْهِ رَبِّهِ ٱلْأَعْلَىٰ ﴿20﴾

bagkus dala ng paghahangad sa [ikalulugod ng] Mukha ng Panginoon niya, ang Pinakamataas.

وَلَسَوْفَ يَرْضَىٰ ﴿21﴾

Talagang malulugod siya [sa ibibigay ni Allāh].