Al-Buruj — Urdu Translation

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلسَّمَآءِ ذَاتِ ٱلْبُرُوجِ ﴿1﴾

قَسم ہے بُرجوں (قلعوں) والے آسمان کی۔

وَٱلْيَوْمِ ٱلْمَوْعُودِ ﴿2﴾

اور وعدہ کئے گئے دن (قیامت) کی۔

وَشَاهِدٍۢ وَمَشْهُودٍۢ ﴿3﴾

اور گواہ کی قَسم اور اس چیز کی جس کی گواہی دی جائے گی۔

قُتِلَ أَصْحَٰبُ ٱلْأُخْدُودِ ﴿4﴾

غارت ہوئے خندق والے۔

ٱلنَّارِ ذَاتِ ٱلْوَقُودِ ﴿5﴾

جس میں بھڑکتے ہوئے ایندھن والی آگ تھی۔

إِذْ هُمْ عَلَيْهَا قُعُودٌۭ ﴿6﴾

جب کہ وہ اس (خندق) کے کنارے پر بیٹھے ہوئے تھے۔

وَهُمْ عَلَىٰ مَا يَفْعَلُونَ بِٱلْمُؤْمِنِينَ شُهُودٌۭ ﴿7﴾

اور وہ جو کچھ اہلِ ایمان کے ساتھ کر رہے تھے اس کو دیکھ رہے تھے۔

وَمَا نَقَمُوا۟ مِنْهُمْ إِلَّآ أَن يُؤْمِنُوا۟ بِٱللَّهِ ٱلْعَزِيزِ ٱلْحَمِيدِ ﴿8﴾

اورانہوں نے اہلِ ایمان کی کسی چیز کو ناپسند نہیں کیا (اور ان میں کوئی عیب نظر نہیں آیا) سوائے اس کے کہ وہ اللہ پر ایمان لائے جو غالب ہے (اور) سزاوارِ ستائش ہے۔

ٱلَّذِى لَهُۥ مُلْكُ ٱلسَّمَٰوَٰتِ وَٱلْأَرْضِ ۚ وَٱللَّهُ عَلَىٰ كُلِّ شَىْءٍۢ شَهِيدٌ ﴿9﴾

وہ جس کی آسمانوں اور زمین میں بادشاہی ہے اور ہر چیز پر گواہ ہے۔

إِنَّ ٱلَّذِينَ فَتَنُوا۟ ٱلْمُؤْمِنِينَ وَٱلْمُؤْمِنَٰتِ ثُمَّ لَمْ يَتُوبُوا۟ فَلَهُمْ عَذَابُ جَهَنَّمَ وَلَهُمْ عَذَابُ ٱلْحَرِيقِ ﴿10﴾

جن لوگوں نے مؤمن مردوں اور مؤمن عورتوں پر ظلم و ستم کیا اور پھر توبہ بھی نہ کی تو ان کیلئے جہنم کا عذاب ہے اور آگ سے جلنے کی سزا ہے۔

إِنَّ ٱلَّذِينَ ءَامَنُوا۟ وَعَمِلُوا۟ ٱلصَّٰلِحَٰتِ لَهُمْ جَنَّٰتٌۭ تَجْرِى مِن تَحْتِهَا ٱلْأَنْهَٰرُ ۚ ذَٰلِكَ ٱلْفَوْزُ ٱلْكَبِيرُ ﴿11﴾

بےشک جو لوگ ایمان لائے اور نیک عمل کئے ان کیلئے (جنت کے) باغ ہیں جن کے نیچے نہریں جاری ہیں یہ بڑی کامیابی ہے۔

إِنَّ بَطْشَ رَبِّكَ لَشَدِيدٌ ﴿12﴾

بےشک تمہارے پروردگار کی گرفت بڑی سخت ہے۔

إِنَّهُۥ هُوَ يُبْدِئُ وَيُعِيدُ ﴿13﴾

وہی پہلی بار پیدا کرنے والا ہے اور وہی دوبارہ پیدا کرے گا۔

وَهُوَ ٱلْغَفُورُ ٱلْوَدُودُ ﴿14﴾

وہ بڑا بخشنے والا (اور) بڑا محبت کرنے والا ہے۔

ذُو ٱلْعَرْشِ ٱلْمَجِيدُ ﴿15﴾

وہ عرش کامالک (اور) بڑی شان والا ہے۔

فَعَّالٌۭ لِّمَا يُرِيدُ ﴿16﴾

وہ جو چاہتا ہے وہ کر گزرتا ہے۔

هَلْ أَتَىٰكَ حَدِيثُ ٱلْجُنُودِ ﴿17﴾

کیا تمہیں لشکروں کی خبر پہنچی ہے؟

فِرْعَوْنَ وَثَمُودَ ﴿18﴾

یعنی فرعون اور ثمود (کے لشکروں) کی۔

بَلِ ٱلَّذِينَ كَفَرُوا۟ فِى تَكْذِيبٍۢ ﴿19﴾

بلکہ یہ کافر (و منکر) تو جھٹلانے میں لگے ہیں۔

وَٱللَّهُ مِن وَرَآئِهِم مُّحِيطٌۢ ﴿20﴾

حالانکہ اللہ ان کو آگے پیچھے سے گھیرے ہوئے ہے۔

بَلْ هُوَ قُرْءَانٌۭ مَّجِيدٌۭ ﴿21﴾

بلکہ وہ بڑی شان والا قرآن ہے۔

فِى لَوْحٍۢ مَّحْفُوظٍۭ ﴿22﴾

جو لوحِ محفوظ میں ثبت ہے۔