Al-Muddaththir — Albanian Translation

بِسْمِ ٱللَّهِ ٱلرَّحْمَٰنِ ٱلرَّحِيمِ يَٰٓأَيُّهَا ٱلْمُدَّثِّرُ ﴿1﴾

O i mbështjellë!

قُمْ فَأَنذِرْ ﴿2﴾

Çohu e paralajmëro!

وَرَبَّكَ فَكَبِّرْ ﴿3﴾

Zotin tënd madhëroje,

وَثِيَابَكَ فَطَهِّرْ ﴿4﴾

rrobat e tua pastroji,

وَٱلرُّجْزَ فَٱهْجُرْ ﴿5﴾

larg idhujve qëndro,

وَلَا تَمْنُن تَسْتَكْثِرُ ﴿6﴾

mos jep me qëllimin që të të jepet më shumë

وَلِرَبِّكَ فَٱصْبِرْ ﴿7﴾

dhe për Zotin tënd duro,

فَإِذَا نُقِرَ فِى ٱلنَّاقُورِ ﴿8﴾

se, kur t'i fryhet borisë,

فَذَٰلِكَ يَوْمَئِذٍۢ يَوْمٌ عَسِيرٌ ﴿9﴾

ajo do të jetë një Ditë e vështirë,

عَلَى ٱلْكَٰفِرِينَ غَيْرُ يَسِيرٍۢ ﴿10﴾

për jobesimtarët aspak e lehtë.

ذَرْنِى وَمَنْ خَلَقْتُ وَحِيدًۭا ﴿11﴾

Më lër Mua me atë që e krijova të vetëm

وَجَعَلْتُ لَهُۥ مَالًۭا مَّمْدُودًۭا ﴿12﴾

e i dhashë pasuri me bollëk

وَبَنِينَ شُهُودًۭا ﴿13﴾

dhe fëmijë që i qëndrojnë pranë!

وَمَهَّدتُّ لَهُۥ تَمْهِيدًۭا ﴿14﴾

Ia bëra jetën të rehatshme,

ثُمَّ يَطْمَعُ أَنْ أَزِيدَ ﴿15﴾

e, megjithatë, ai lakmon t'ia shtoj.

كَلَّآ ۖ إِنَّهُۥ كَانَ لِءَايَٰتِنَا عَنِيدًۭا ﴿16﴾

Kurrsesi! Ai ishte kryeneç kundrejt ajeteve Tona,

سَأُرْهِقُهُۥ صَعُودًا ﴿17﴾

prandaj Unë do ta mundoj atë me dënim të rëndë.

إِنَّهُۥ فَكَّرَ وَقَدَّرَ ﴿18﴾

Ai mendoi e kurdisi.

فَقُتِلَ كَيْفَ قَدَّرَ ﴿19﴾

Qoftë mallkuar, si kurdisi ashtu!

ثُمَّ قُتِلَ كَيْفَ قَدَّرَ ﴿20﴾

Sërish, qoftë mallkuar, si kurdisi ashtu!

ثُمَّ نَظَرَ ﴿21﴾

Pastaj vështroi,

ثُمَّ عَبَسَ وَبَسَرَ ﴿22﴾

mandej u mrrol e u zymtua

ثُمَّ أَدْبَرَ وَٱسْتَكْبَرَ ﴿23﴾

e më pas ktheu shpinën e u soll me mendjemadhësi

فَقَالَ إِنْ هَٰذَآ إِلَّا سِحْرٌۭ يُؤْثَرُ ﴿24﴾

dhe tha: "Kjo s'është gjë tjetër përveçse magji që trashëgohet!

إِنْ هَٰذَآ إِلَّا قَوْلُ ٱلْبَشَرِ ﴿25﴾

Kjo është vetëm fjalë njeriu!"

سَأُصْلِيهِ سَقَرَ ﴿26﴾

Unë do ta hedh në një Zjarr flakërues (në Xhehenem)!

وَمَآ أَدْرَىٰكَ مَا سَقَرُ ﴿27﴾

E ç'të bën ty të dish se ç'është Zjarri flakërues?!

لَا تُبْقِى وَلَا تَذَرُ ﴿28﴾

Ai nuk lë gjë pa djegur,

لَوَّاحَةٌۭ لِّلْبَشَرِ ﴿29﴾

ai përcëllon lëkurat.

عَلَيْهَا تِسْعَةَ عَشَرَ ﴿30﴾

Mbi të janë nëntëmbëdhjetë (melekë).

وَمَا جَعَلْنَآ أَصْحَٰبَ ٱلنَّارِ إِلَّا مَلَٰٓئِكَةًۭ ۙ وَمَا جَعَلْنَا عِدَّتَهُمْ إِلَّا فِتْنَةًۭ لِّلَّذِينَ كَفَرُوا۟ لِيَسْتَيْقِنَ ٱلَّذِينَ أُوتُوا۟ ٱلْكِتَٰبَ وَيَزْدَادَ ٱلَّذِينَ ءَامَنُوٓا۟ إِيمَٰنًۭا ۙ وَلَا يَرْتَابَ ٱلَّذِينَ أُوتُوا۟ ٱلْكِتَٰبَ وَٱلْمُؤْمِنُونَ ۙ وَلِيَقُولَ ٱلَّذِينَ فِى قُلُوبِهِم مَّرَضٌۭ وَٱلْكَٰفِرُونَ مَاذَآ أَرَادَ ٱللَّهُ بِهَٰذَا مَثَلًۭا ۚ كَذَٰلِكَ يُضِلُّ ٱللَّهُ مَن يَشَآءُ وَيَهْدِى مَن يَشَآءُ ۚ وَمَا يَعْلَمُ جُنُودَ رَبِّكَ إِلَّا هُوَ ۚ وَمَا هِىَ إِلَّا ذِكْرَىٰ لِلْبَشَرِ ﴿31﴾

Ne i kemi bërë roja të Zjarrit vetëm melekët, kurse numrin e tyre e kemi bërë vetëm sprovë për jobesimtarët, si dhe që të binden ata të cilëve u është dhënë Libri e besimtarëve t’u shtohet imani. Po ashtu, që të mos kenë mëdyshje ata që u është dhënë Libri dhe besimtarët, ndërsa ata që kanë sëmundje (dyshim) në zemër dhe jobesimtarët të thonë: "Çfarë deshi të thotë Allahu me këtë shembull?" Kështu, Allahu lë në humbje kë të dojë dhe udhëzon kë të dojë. E ushtritë e Zotit tënd nuk i di askush përveç Tij. Kjo është vetëm këshillë për njerëzit.

كَلَّا وَٱلْقَمَرِ ﴿32﴾

Kurrsesi! Betohem në Hënën,

وَٱلَّيْلِ إِذْ أَدْبَرَ ﴿33﴾

dhe në natën kur të tërhiqet,

وَٱلصُّبْحِ إِذَآ أَسْفَرَ ﴿34﴾

si dhe në agimin kur zbardh,

إِنَّهَا لَإِحْدَى ٱلْكُبَرِ ﴿35﴾

se ai (Xhehenemi) është një nga belatë më të mëdha,

نَذِيرًۭا لِّلْبَشَرِ ﴿36﴾

paralajmërim për njerëzit,

لِمَن شَآءَ مِنكُمْ أَن يَتَقَدَّمَ أَوْ يَتَأَخَّرَ ﴿37﴾

për këdo prej jush që dëshiron të përparojë ose të mbetet mbrapa.

كُلُّ نَفْسٍۭ بِمَا كَسَبَتْ رَهِينَةٌ ﴿38﴾

Çdo njeri është peng i veprave të veta,

إِلَّآ أَصْحَٰبَ ٱلْيَمِينِ ﴿39﴾

përveç të djathtëve,

فِى جَنَّٰتٍۢ يَتَسَآءَلُونَ ﴿40﴾

të cilët, duke qenë në kopshte të Xhenetit, do të pyesin njëri-tjetrin

عَنِ ٱلْمُجْرِمِينَ ﴿41﴾

për keqbërësit:

مَا سَلَكَكُمْ فِى سَقَرَ ﴿42﴾

"Çfarë ju solli në Zjarrin flakërues?"

قَالُوا۟ لَمْ نَكُ مِنَ ٱلْمُصَلِّينَ ﴿43﴾

Ata do të thonë: “Nuk ishim prej atyre që faleshin,

وَلَمْ نَكُ نُطْعِمُ ٱلْمِسْكِينَ ﴿44﴾

as i ushqenim të varfrit,

وَكُنَّا نَخُوضُ مَعَ ٱلْخَآئِضِينَ ﴿45﴾

llomotisnim me ata që llomotisnin

وَكُنَّا نُكَذِّبُ بِيَوْمِ ٱلدِّينِ ﴿46﴾

dhe e përgënjeshtronim Ditën e Gjykimit

حَتَّىٰٓ أَتَىٰنَا ٱلْيَقِينُ ﴿47﴾

derisa na erdhi vdekja."

فَمَا تَنفَعُهُمْ شَفَٰعَةُ ٱلشَّٰفِعِينَ ﴿48﴾

Prandaj, atyre nuk do t’u bëjë dobi ndërmjetësimi i atyre që ndërmjetësojnë.

فَمَا لَهُمْ عَنِ ٱلتَّذْكِرَةِ مُعْرِضِينَ ﴿49﴾

Vallë, çfarë kanë që largohen nga kjo këshillë,

كَأَنَّهُمْ حُمُرٌۭ مُّسْتَنفِرَةٌۭ ﴿50﴾

si të ishin gomarë të egër fort të trembur

فَرَّتْ مِن قَسْوَرَةٍۭ ﴿51﴾

që ikin prej luanit?!

بَلْ يُرِيدُ كُلُّ ٱمْرِئٍۢ مِّنْهُمْ أَن يُؤْتَىٰ صُحُفًۭا مُّنَشَّرَةًۭ ﴿52﴾

Në të vërtetë, secili prej tyre dëshiron t’i sillen fletë të hapura (nga qielli).

كَلَّا ۖ بَل لَّا يَخَافُونَ ٱلْءَاخِرَةَ ﴿53﴾

Jo, por ata nuk i frikësohen jetës tjetër.

كَلَّآ إِنَّهُۥ تَذْكِرَةٌۭ ﴿54﴾

Në të vërtetë, ky (Kuran) është këshillë.

فَمَن شَآءَ ذَكَرَهُۥ ﴿55﴾

Kështu, kush të dojë, le të marrë mësim prej tij!

وَمَا يَذْكُرُونَ إِلَّآ أَن يَشَآءَ ٱللَّهُ ۚ هُوَ أَهْلُ ٱلتَّقْوَىٰ وَأَهْلُ ٱلْمَغْفِرَةِ ﴿56﴾

Por, ata mund të marrin mësim vetëm nëse do Allahu. Vetëm Ai është i denjë që t'i kihet frikë dhe vetëm Ai është i Denjë për të falur.