Ad-Duha — Urdu Translation

بِسْمِ ٱللَّهِ ٱلرَّحْمَٰنِ ٱلرَّحِيمِ وَٱلضُّحَىٰ ﴿1﴾

قَسم ہے روزِ روشن کی۔

وَٱلَّيْلِ إِذَا سَجَىٰ ﴿2﴾

اور رات کی جب کہ وہ آرام و سکون کے ساتھ چھا جائے۔

مَا وَدَّعَكَ رَبُّكَ وَمَا قَلَىٰ ﴿3﴾

(اے رسول(ص)) نہ آپ کے پروردگار نے آپ کو چھوڑا ہے اور نہ وہ ناراض ہوا ہے۔

وَلَلْءَاخِرَةُ خَيْرٌۭ لَّكَ مِنَ ٱلْأُولَىٰ ﴿4﴾

یقیناً آپ کے لئے انجام (اور بعد کا دور) آغاز (پہلے دور) سے بہتر ہے۔

وَلَسَوْفَ يُعْطِيكَ رَبُّكَ فَتَرْضَىٰٓ ﴿5﴾

اورعنقریب آپ(ص) کا پروردگار آپ(ص) کو اتنا عطا کرے گا کہ آپ(ص) خوش ہو جائینگے۔

أَلَمْ يَجِدْكَ يَتِيمًۭا فَـَٔاوَىٰ ﴿6﴾

کیا خدانے آپ(ص) کو یتیم نہیں پایا؟ تو پناہ کی جگہ دی؟

وَوَجَدَكَ ضَآلًّۭا فَهَدَىٰ ﴿7﴾

اور آپ(ص) کو گمنام پایا تو (لوگوں کو آپ(ص) کی طرف) راہنمائی کی۔

وَوَجَدَكَ عَآئِلًۭا فَأَغْنَىٰ ﴿8﴾

اور اللہ تعالیٰ نے آپ(ص) کونادار پایا سو مالدار بنا دیا۔

فَأَمَّا ٱلْيَتِيمَ فَلَا تَقْهَرْ ﴿9﴾

پس یتیم پر سختی نہ کیجئے۔

وَأَمَّا ٱلسَّآئِلَ فَلَا تَنْهَرْ ﴿10﴾

اور سائل کو نہ جھڑکئے۔

وَأَمَّا بِنِعْمَةِ رَبِّكَ فَحَدِّثْ ﴿11﴾

اور اپنے پروردگار کی نعمت کا اظہار کیجئے۔